Memleket basshysy Qasym-Jomart Toqaev UQShU Bas hatshysy Imanǵalı Tasmaǵambetovti qabyldady. Kezdesýde Uıymnyń Qazaqstan tóraǵalyǵy kezeńindegi negizgi mindetterin júzege asyrý máseleleri talqylandy, dep jazady Egemen.kz Aqorda baspasóz qyzmetine silteme jasap.
Qasym-Jomart Toqaev UQShU-nyń jarǵylyq jumysynda Uıymǵa múshe barlyq memleket úshin anaǵurlym ózekti ári suranysqa ıe baǵyttarǵa nazar aýdarý qajet ekenin atap ótti. Onyń pikirinshe, terrorızm, esirtki men qarýdyń zańsyz aınalymy, aqparattyq saladaǵy qylmys sekildi syn-qaterlerge qarsy kúres máselesine aıryqsha mán bergen jón.
Sonymen qatar Prezıdent óńirlik qaýipsizdikti nyǵaıtý maqsatynda basqa da halyqaralyq qurylymdarmen konstrýktıvti yntymaqtastyqty jolǵa qoıý mańyzdy ekenin aıtty.
Imanǵalı Tasmaǵambetov UQShU Ujymdyq qaýipsizdik keńesiniń byltyr qarasha aıynda ótken sessııasynda Qazaqstannyń bastamasymen qabyldanǵan Is-sharalar josparynyń oryndalý barysy jóninde málimet berdi.
Sonymen qatar kezdesýde UQShU Ujymdyq qaýipsizdik keńesiniń kezekti sessııasyna jáne elimizdiń aýmaǵynda ótetin oqý-jattyǵý jıyndaryna daıyndyq máselesi qarastyryldy.