Yrys aldy – yntymaq

Mine, sondyqtan Elbasy byl­tyr­ǵy jylǵy «Nurly Jol – bo­la­shaqqa bas­tar jol» atty Jol­daýynda elimiz saıası turaqtylyq pen qoǵam­dyq kelisimniń arqa­synda úlken jetistikterge jet­kenin aıta kelip, el birligin, tatý­lyq pen ultaralyq kelisimdi nyǵaı­týda Qazaqstan halqy As­sam­bleıasy úlken jumys atqa­ryp kele jatqanyn atap kórsetti. Búginde Almaty oblysynda 103 etnos ókili turady. Bir qýa­nar­lyǵy, jetisýlyqtar ultqa bólin­beı, kásibı mamandyǵyna saı kel­gen jumysty istep, tabys ta­býǵa mashyqtanǵan. Bi­rer mysal keltirsem, tabany kúrek­­teı 26 jyl óńirdegi aýyl sharýa­­shylyǵy qurylymdaryn basqa­ryp, eldiń uıǵarymymen Qaratal aýdandyq máslıhatynyń eki dúr­kin shaqyrylymynyń depýtaty boldym.

Halyqtyń senim artýynyń basty sebebi, toqyraý jyldary aýyldastarym kúnkóris qamyn kúıttep, qalaıda jan baǵýdy oılap erteńgi kúnge degen senimderi setineı bastaǵanda, Elbasynyń sarabdal saıasatyn ózim ǵana us­ta­nyp qoımaı, sońymnan eldi, ıaǵ­nı etnos ókilderin erte bildim. О́t­peli kezeń qıyndyqtaryn birle­se jeńý úshin 1994 jyly «Qaratal» aksıonerlik qoǵamyn qu­ryp, burynǵy ujymshardyń bir kir­pishin de buzǵyzbaı saqtap qaldym. Zańnama sheńberinde áreket etip, jemisin elge jegizýdemin. Oǵan halyq kýá. El birligin, yntymaǵyn saqtaý­dy ultqa bólinýdi bil­meıtin jerlesterimniń sanasyna sińi­re berýdi paryz sanaı­myn. Us­tan­ǵan jolymnyń durys­tyǵy bolar, aýylda eńbek kórigin qyzdyryp júrgenimde, ıaǵnı 1999 jyly oılamaǵan jerde As­ta­naǵa shaqyrtý aldym.

Mine, ǵa­lamat. Aqordada Qazaqstan Res­pýb­lıkasynyń Tuńǵysh Prezı­denti Nursultan Nazarbaev óz qolymen omyraýyma «Qurmet» ordenin taqty. Sol bir sáttegi qýanyshymda shek bolmady. Sha­dyman shattyqqa bólenip turyp, Memleket basshysynyń qoly tıgen ordenimdi sıpap ta qoıamyn. Sóıtip, Elbasymen birinshi ret qol alysyp amandasý baqytyna ıe bolǵan edim. Ekinshi ret 2014 jyldyń 18-20 tamyzynda Elbasy jumys saparymen Almaty oblysyna kelgende qarsy alyp, aldymen qol alysqan úsh adamnyń biri boldym.

Sol qýanyshty sátterim jaıly san saýalyn aǵytatyn qazaq, orys, koreı jáne taǵy basqa etnos ókilderine aıtarym, Elbasymen júzbe-júz kezdesýdiń jóni bólek. Et pen súıekten jaratylǵan pende bolǵan soń tolqısyń, tebirene turyp keleli oı túımeske áddiń qalmaıdy. Tosyn suraq qoıa qalsa, múdirmeı jaýap berýge daıyn turasyń. Bul adamnyń ózin ózi shyńdaý qadamy dep sanaımyn. Sondaı sátterde agrarly salany damytýdyń oıtamyzyǵy da kókeıime myqtap túıile tú­sedi. Osy oıtamyzyq eńbekke qul­shy­nysymdy kúsheıtedi. Qazaqta «Yrys aldy – yntymaq» degen sóz bar. Elbasymen kezdeskendegi túıgen keleli oıymdy oblysymyzda memlekettik saıasatqa saı atqarylyp jatqan jumystar dóp basatyny qýantady.

Baqyt SMAIYLOV,

«Qaratal» AQ tóraǵasy.

Almaty oblysy, Qaratal aýdany.