Astanada Qazaqstan fýtbol federasııasy men inDrive kompanııasynyń Qazaqstanda buqaralyq balalar sportyn damytýǵa baǵyttalǵan kommersııalyq emes Supernovas fýtbol jobasy arasynda yntymaqtastyq týraly memorandýmǵa qol qoıyldy, dep habarlaıdy Egemen.kz QFF-nyń baspasóz qyzmetine silteme jasap.
Memorandýmǵa Qazaqstan fýtbol federasııasynyń prezıdenti Ádilet Barmenqulov pen inDrive kompanııasynyń negizin qalaýshy Arsen Tomskıı qol qoıdy. Taraptardyń yntymaqtastyǵy balalar arasyndaǵy fýtboldyń damýyna áser etedi.
Yntymaqtastyqtyń negizgi maqsaty - UEFA-nyń «D» jáne «C» lısenzııasyn alý úshin bapkerlik kýrsyn ótkizý, sondaı-aq kommersııalyq emes Supernovas fýtbol jobasy aıasynda Qazaqstannyń alys shalǵaıyndaǵy aýyldar men qalalardaǵy balalardy fýtbolǵa baýlý.
«Bul seriktestikti elimizdegi balalar fýtbolynyń damýyna úlken qadam dep bilemin. inDrive kompanııasymen seriktes atanǵanymyzǵa qýanyshtymyz jáne bul seriktestik buqaralyq deńgeıde fýtboldy damytýǵa jaǵdaıdy jaqsartýda óz jemisin beretinine senimdimin», dedi Ádilet Barmenqulov.
Qos taraptyń ókilderi túrli is-sharalar, konferenııa men semınarlarǵa qatysady.
«inDrive úshin ádiletsizdikpen kúresip, shalǵaıdaǵy aýyl-aımaqtyń balalaryna sportpen shuǵyldanýǵa múmkindik berý óte mańyzdy. Bizdiń Supernovas jobamyz oıynnan lázzat alyp, qaýipsiz jáne qoldaýǵa toly ortada damýǵa baǵyttalǵan. Qazaqstan fýtbol federasııasymen jemisti seriktestigimizdiń bastalýyn asyǵa kútemiz», dedi inDrive kompanııasynyń negizin qalaýshy Arsen Tomskıı.
Supernovas jobasy Qazaqstannyń barlyq aımaǵynan kelip túsken ótinishti qabyldap, jaqyn ýaqytta jańa lokasııalar jaıly habarlaıdy.
Eske sala keteıik, 2022-2023 jyldary inDrive joba aıasynda Qazaqstannyń toǵyz qalasynda, naqtyraq aıtqanda: Jánibek (BQO), Zerendi (Aqmola oblysy), Ulytaý (Ulytaý oblysy), Altaı (ShQO), Blagoveshenka (SQO), Talǵar (Almaty oblysy), Shalqar (Aqtóbe oblysy), Yntymaq (Túrkistan oblysy), Fort-Shevchenkoda (Mańǵystaý oblysy) fýtbol seksııalaryn ashty.
Qyrmyzy JUMAǴALIQYZY,
EUÝ stýdenti