Joǵary aýdıtorlyq palatanyń tóraǵasy Álıhan Smaıylov Májilistiń 2024 jylǵy 12 maýsymdaǵy plenarlyq otyrysynda aýyr salmaqty kólik quraldary joldardyń buzylýyna yqpal etetinin aıtty, dep habarlaıdy Egemen.kz.
Álıhan Smaıylov depýtattarǵa avtomobıl salasy aýdıtiniń nátıjelerin usyndy.
«Shuǵyl sheshimderdi talap etetin eleýli júıelik kemshilikter anyqtaldy. Sońǵy tórt jylda avtomobıl joldaryn salýǵa, rekonstrýksııalaýǵa jáne kútip ustaýǵa shamamen 1,9 trln teńge bólindi. Aýdıt derekteri boıynsha jaqsy jáne qanaǵattanarlyq jaǵdaıdaǵy respýblıkalyq mańyzy bar avtojoldardyń úlesi nebári 72% quraıdy. Joldardyń buzylýyna yqpal etetin negizgi faktor - ruqsat etilgen massasy buzylǵan aýyr kólikterdiń ótýi. Bul másele tasymaldaý prosesine jekelegen qatysýshylardyń múddelerin qoldaý jáne memlekettik organdardyń prınsıpti ustanymynyń bolmaýy sebebinen kóptegen jyldar boıy sheshilip keledi», dedi ol.
Onyń aıtýynsha, avtomattandyrylǵan ólsheý stansalary anyqtaǵan buzýshylyqtar qate jazylady.
«Bizge jalpy paıdalanymdaǵy joldarmen aýyr júk kólikteriniń júrýine úzildi-kesildi tyıym salý jáne memleketke keltirilgen zalal úshin jaýapkershilikti kúsheıtý qajet», dep atap ótti Á.Smaıylov.
Qyrmyzy JUMAǴALIQYZY,
EUÝ stýdenti