Atyraý oblysynda «Taza Qazaqstan» aksııasy endi bastaldy. О́ıtkeni óńir turǵyndary keıingi eki aı boıy Jaıyq ózenindegi tasqyn sýdan tóngen qaýipke baılanysty ábigerge túsken edi.
Oblystyq ekologııa departamentiniń uıymdastyrýymen atalǵan aksııa alǵash ret ótti. Bas memlekettik ekologııalyq ınspektor Erlan Esenovtiń aıtýynsha, atalǵan aksııa eki aıǵa keıin bastalýyna tabıǵı sıpattaǵy tótenshe jaǵdaı sebep bolǵan.
«Aksııanyń negizgi maqsaty – qorshaǵan ortany qoqystan tazartyp, tabıǵatty taza ustaýǵa shaqyrý. Jas urpaqty osyndaı qoǵamdyq is-sharaǵa belsene atsalysýǵa baýlý», deıdi Erlan Esenov.
Munaıly óńirde bastaý alǵan ekologııalyq aksııaǵa alǵashqy kúni 2130 adam qatysty. Onyń 200-den astamy Atyraýdan Oralǵa qatynaıtyn kúre joldyń oń jaq bóligin tazalaýǵa jumyldy. Bir kúnde Atyraý qalasynyń aýmaǵynan 110 tonna qoqys jınalyp, «Arnaıyavtobaza» JShS-niń arnaıy polıgonyna tasymaldandy.
Burnaǵy kúni Jaıyq ózeniniń Atyraý qalasyndaǵy jaǵalaýynan topyraq toltyrylǵan qapshyqtardy jınaý bastaldy. О́ıtkeni qalalyq ákimdiktiń baspasóz hatshysy Ǵasyrbek Tólegenniń aıtýynsha, sý aıdynynyń qaýip seıilgen aýmaǵynan qum toltyrylǵan qapshyqtardy jınap alýǵa uıǵarym jasalǵan.
«Keıingi kúnderi Atyraý qalasynda Jaıyq ózenindegi sý deńgeıi tómendep keledi. Birneshe kúnnen beri sýdyń deńgeıi kóterilgen joq. Sol sebepten, qalalyq ákimdiktiń sheshimimen tasqyn sý basý qaýpi seıilgen aýmaqtardan topyraq salynǵan qapshyqtardy jınaý qolǵa alyndy. Aldymen «Avangard» shaǵyn aýdanyndaǵy jáne ortalyq kópir tusyndaǵy jaǵalaýdan qum toltyrylǵan qapshyqtar jınalyp jatyr», dedi Ǵ.Tólegen.
Jaıyq ózeniniń Atyraý qalasy aýmaǵyndaǵy jaǵalaýynda 250,7 shaqyrym bóget bekitilgen. Qalalyq ákimdik tarapynan osy maqsatqa 4 mln 900 myń qapshyq taratylypty.
«Jaıyq ózeniniń jaǵalaýyn bekitý úshin qapshyqqa toltyrylǵan topyraq arnaıy karerlerden alynǵan edi. Endi ózen jaǵalaýynan jınalǵan qapshyqtaǵy topyraq sol karerlerge qaıta tógiledi. Bul jumysty Jaıyq ózeniniń jaǵalaýyn bekitý tapsyrylǵan kompanııalar men mekemeler atqarady», dep málim etti Ǵ.Tólegen.
Al Jylyoı aýdanynyń ortalyǵy – Qulsary qalasynda eki aı burynǵy tasqyn sýdyń zardabyn joıý jalǵasyp jatyr. «JylyoıTazalyq» JShS-niń dırektory Baýyrjan Abdrahmanovtyń aıtýynsha, qalanyń sý basqan kóshelerine «West Dala» JShS-dan ákelingen 20 konteıner qoıylǵan. Ár konteınerdiń syıymdylyǵy – 8 myń tekshe metr. Qoqys jınalatyn konteınerlerin tasymaldaıtyn 2 arnaıy kólik bólingen.
«Bizdiń kásiporynnyń qyzmetkerleri Qulsary qalasynyń sý basqan kóshelerinen kún saıyn turmystyq qaldyqtardy shyǵarýdy jalǵastyryp keledi. Bul jumysqa kásiporynnan 50 jumysshy, 20 arnaıy tehnıka tartyldy. Qazir arnaıy komıssııanyń sheshimimen apatty dep tanylǵan úılerdi buzý, keıbir baspanany jóndeý, qalpyna keltirý jumysy qolǵa alynyp otyr. Sol sebepten, turmystyq qaldyqtardy shyǵarýdy jalǵastyra beremiz», dedi B.Abdrahmanov.
Onyń aıtýyna qaraǵanda, «Atyraý», «Jadyrasyn», «Avtodorojnık-2 shaǵyn aýdandary qoqystan tolyq tazartylǵan. Keıingi kúnderi 2-aýyl, 4-aýyl, «Avtodorojnık-1», «Dostyq» shaǵyn aýdandarynan da turmystyq buıymdar qaldyǵy shyǵarylǵan. Osy kezge deıin Qulsary qalasynyń kóshelerinen arnaıy polıgonǵa 25 myń tonnadan astam turmystyq qaldyq pen túrli arnaıy polıgonǵa tasymaldanǵan.
Atyraý oblysy