«City Transportation Systems» JShS «Astana qalasynyń qoǵamdyq kóligindegi beıneanalıtıka júıesi» ınnovasııalyq jobasyn iske qosqaly otyr, dep habarlaıdy Egemen.kz elorda ákimdiginiń resmı saıtyna silteme jasap.
Jobanyń maqsaty - jolaýshylarǵa qyzmet kórsetý sapasyn jaqsartý, bıletsizder sanyn azaıtý jáne qoǵamdyq kólikterdegi qaýipsizdikti arttyrý.
Jobanyń pılottyq kezeńi aıasynda 2 mamyrda №24 marshrýttyń bir avtobýsynda naqty ýaqyt rejıminde derekterdi taldaýǵa múmkindik beretin kameralar, roýterler jáne borttyq kompıýter ornatylǵan. Ár esikke qarama-qarsy ornalasqan kameralar kirgen jolaýshylardyń sanyn eseptep, tólem týraly málimetterdi salystyrady. Bul bıletsiz jolaýshylar sanyn, marshrýttyń ýaqyty men ýchaskelerin dál anyqtaýǵa múmkindik beredi. Sondaı-aq naqty ýaqyttaǵy aqparat CTS kóliktik baqylaý departamentine túsedi.
Beınebaqylaý pılottyq jobasy iske qosylǵan sátten bastap bir avtobýsta júıemen 2 myńnan astam bıletsiz jol júrý jaǵdaıy anyqtaldy. Bul pılottyq joba bolǵandyqtan, jolaýshylarǵa aıyppul salynbaǵan.
CTS-te jobanyń tolyq iske qosylýy men iske asyrylý barysy týraly qosymsha habarlanady.