Maqsut Narikbayev University Times Higher Education Impact Rankings 2024 atty halyqaralyq bilim berý reıtıngine tuńǵysh ret endi. Bul reıtıng 50 jyl qatarynan 171 eldegi 7000 mekemeni qamtyp keledi, dep habarlaıdy
Maqsut Narikbayev University «Times Higher Education (THE) Impact Rankings 2024» atty álemdik reıtıngide sátti debıýt jasady. Ýnıversıtetterdiń BUU-nyń Turaqty damý maqsattaryna (TDM) qol jetkizýge qosqan úlesin baǵalaýda MNU laıyqty nátıjeler kórsetti. Ýnıversıtet alǵash ret atalmysh halyqaralyq reıtıngige enip, jalpy álemdik tizimniń 1001-1500 aralyǵynda kósh bastady.
Atap ótý kerek, MNU BUU TDM sanatyndaǵy «Beıbitshilik, sot tóreligi jáne tıimdi ınstıtýttar» baǵyty boıynsha joǵary pozısııalardy enshilep, álemniń úzdik 201-300 joǵary oqý oryndarynyń qataryna kirdi.
Ýnıversıtettiń BUU TDM baǵyttaryndaǵy jetistikterine mynalar jatady:
№8 TDM: laıyqty jumys jáne ekonomıkalyq ósý - ýnıversıtet 401-600 aralyǵynda; №5 SDG: Genderlik teńdik - 601-800 dıapazonyndaǵy pozısııada.Maqsut Narikbayev University Provosty Sergeı Penniń aıtýynsha, ýnıversıtet bul jetistikpen shektelip qalmaıdy.
«Osymen qarqynymyz báseńdemeıdi jáne ornyqty damý baǵytynda odan ári damýdy josparlap otyrmyz. Qazir bul baǵytta bizdiń MIND ǵylymı-qoldanbaly ortalyǵymyz da belsendi jumys atqaryp keledi. Ol árbir TDM-ny sapaly zertteýler men analıtıka arqyly nyǵaıta túspek», dep atap ótti Sergeı Pen.
Sonymen qatar jaqynda ýnıversıtettiń resmı saıtynda BUU-nyń jahandyq maqsattary aıasynda atqarǵan jumysyna arnalǵan paraqsha paıda bolady. Saıttaǵy osy paraqsha arqyly kez kelgen adam ýnıversıtettiń bastamalary men jetistikterimen tanysa alady. Bıylǵy oqý jyly ýnıversıtettiń halyqaralyq deńgeıde moıyndalýy turǵysynan erekshe jemisti boldy.
Aıta ketý kerek, bıyl MNU QAA ınstıtýsıonaldyq akkredıtasııasynan ótken TMD men Ortalyq Azııadaǵy alǵashqy ýnıversıtet atandy. Bul akkredıtasııa ýnıversıtettiń bilim berý sapasynyń joǵary standarttary men álemdik masshtabta moıyndalýyna umtylysyn aıqyndaıdy.