Keshe palata Tóraǵasy Qabıbolla Jaqypovtyń tóraǵalyǵymen Májilis bıýrosy ótip, onda aldaǵy jalpy otyrystyń kún tártibi naqtylandy, dep habarlady Májilistiń baspasóz qyzmeti.
Palata saqtandyrý jáne ıslamdyq qarjylandyrý máseleleri boıynsha zańnamalyq jańa engizilimderdi ekinshi oqylymda qaraıdy.
Sondaı-aq, depýtattar talqysyna Qazaqstan men Majarstan arasyndaǵy olardyń memleketteriniń aýmaǵynda zańsyz turatyn adamdardyń readmıssııasy týraly úkimetaralyq kelisimdi jáne múgedekterdiń quqyqtary týraly konvensııany ratıfıkasııalaýǵa qatysty qujattar usynylyp otyr.
Osy kúni májilismender birqatar jańa zań jobalary boıynsha qorytyndy ázirleý merzimin anyqtaıdy. Olardyń qatarynda kásipkerlik pen azamattyq prosestik týraly kodekster, sondaı-aq, ózin ózi retteý, baǵaly metaldar men asyl tastar, aýyl sharýashylyǵy kooperasııasy, memlekettik-jekeshelik áriptestik týraly zań jobalary bar.
Sonymen qatar, jalpy otyrysta memlekettik satyp alý, ekologııalyq máseleler boıynsha túzetýler engizýge qatysty jáne readmıssııa týraly qazaqstandyq-belorýstyq úkimetaralyq kelisimdi ratıfıkasııalaý boıynsha qorytyndy ázirleý merzimi taǵaıyndalady.