Májiliske Malaızııa Parlamenti Senaty tóraǵasynyń mindetin atqarýshy datýk Nur Djazlan bın Tan Shrı Mohamed bardy. Palata spıkeri Erlan Qoshanovpen kezdesýde taraptar parlamentaralyq yntymaqtastyqty damytý jaıyn talqylady, dep habarlaıdy Egemen.kz Májilistiń baspasóz qyzmetine silteme jasap.
Otyrysty ashqan Erlan Qoshanov osy jyldyń mamyr aıynda Malaızııa Parlamenti Senatynyń tóraǵasy Mýtang Tagaldyń mezgilsiz qaıtys bolýyna baılanysty kóńil aıtty.
Májilis spıkeri ekijaqty yntymaqtastyq máselelerine toqtala otyryp, Malaızııa Qazaqstannyń Ońtústik-Shyǵys Azııadaǵy negizgi seriktesteriniń biri ekenin atap ótti. Sonymen qatar eki memleket basshylary – Prezıdent Qasym-Jomart Toqaev pen Premer-mınıstr Anýar Ibragımnyń nátıjeli dıalogynyń arqasynda eki el arasynda dostyq pen ózara senimge negizdelgen berik áriptestik baılanys ornaǵanyna mán berdi.
«Bıylǵy mamyrda Premer-mınıstr Anýar Ibragımniń Qazaqstanǵa jasaǵan resmı sapary shyn máninde tarıhı bolǵany anyq. Bul eki el arasyndaǵy yntymaqtastyqtyń jańa kezeńine jol ashatynyn Qasym-Jomart Kemeluly da óz sózinde atap ótti. Biz kóshbasshylarymyz salyp bergen osy sara joldy Parlament deńgeıinde dostas halyqtarymyzdyń ıgiligi úshin odan ári jalǵastyramyz dep senemin», dedi Erlan Qoshanov.
Májilis tóraǵasy qonaqtarǵa Memleket basshysynyń bastamasymen Qazaqstanda júzege asyp jatqan ekonomıkalyq jáne saıası reformalar týraly keńinen tarqatyp berdi. Sonymen qatar ekonomıkany damytýǵa, qoǵamdaǵy zań men tártiptiń ústemdigin qamtamasyz etýge baǵyttalǵan barlyq aýqymdy ózgeris tıisti zańdardy qabyldaýdan bastalatynyna nazar aýdardy.
О́z kezeginde Malaızııa Parlamenti Senaty tóraǵasynyń mindetin atqarýshy qonaqjaılyq úshin alǵysyn bildirip, Qazaqstanda júrgizilip jatqan saıası reformalarǵa qyzyǵýshylyq tanytty.
«Parlament mártebesin kóterý – bul Prezıdentterińizdiń óte mańyzdy qadamy. О́ıtkeni ol qoǵamdaǵy saıası mádenıettiń artýyna yqpal etedi. Búgin sizderdiń Parlamentińizde kóp partııa bar ekenin kórip otyrmyz. Bizde de osyndaı júıe qalyptasqan. Bul elderimizdegi demokratııalyq qaǵıdattar men saılaýdyń ashyqtyǵyn aıqyn kórsetedi», dedi Nur Djazlan Mohamed.Senat basshysynyń mindetin atqarýshy sý tasqynyna baılanysty Qazaqstan halqyna qoldaý bildirdi. Ol Malaızııanyń sý apattaryna qarsy kúreste mol tájirıbesi bar ekenin jáne onymen Qazaqstanmen bólisýge daıyn ekenin málimdedi.
Kezdesýde saýda-ekonomıka, mádenı-gýmanıtarlyq, bilim berý salalaryndaǵy yqpaldastyq máseleleri qozǵaldy. Bul rette Nur Djazlan Mohamed Qazaqstan stýdentterin Malaızııa joǵary oqý oryndarynda oqytý úshin granttar sanyn kóbeıtý týraly bastama kóterdi. Taraptar IT-tehnologııa, ózara ınvestısııa jáne týrızm salasyndaǵy yntymaqtastyq perspektıvalaryn, sonyń ishinde Astana men Kýala-Lýmpýr arasyndaǵy tikeleı áýe qatynasyn arttyrý máselesin talqylady.
Kezdesý qorytyndysy boıynsha spıkerler parlamentshiler arasynda zań shyǵarý tájirıbesimen almasýdy kúsheıtý jáne eki eldiń parlamenttik dostyq toptary baǵytyboıynsha yntymaqtastyqty jandandyrý týraly kelisti.