Atamekenin ańsap kelgen qandastar tańdaıtyn oblystyń qatarynda Atyraý da bar. Bıyl 5 aıda munaıly óńirge oralǵan etnostyq qazaqtyń deni buryn kórshiles elderde turǵan.
Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń baspasóz qyzmeti málim etkendeı, 1 maýsymǵa deıin 6 elden 89 otbasy atamekenine oralyp otyr. Bul otbasylardyń quramyndaǵy 108 etnostyq qazaqtyń bárine «qandas» mártebesi berilgen.
Qandastardyń deni – 86 múshesi bar 71 otbasy О́zbekstan Respýblıkasynan qonys aýdarǵan. «Al Kórshiles Reseı Federasııasynan 9 otbasy (10 adam), Qytaı Halyq Respýblıkasynan 6 otbasy (9 adam), Ýkraınadan, Tájikstan men Túrikmenstan Respýblıkasynan 3 otbasy (3 adam) oraldy. Qandastyń bári elimizde turaqty turýǵa nıet bildirdi», dep habarlady basqarmanyń baspasóz qyzmeti.
Qandastardyń arasynan 78 otbasy Atyraý qalasynda turaqtap qalýdy jón kóripti. Bul otbasylarda 97 adam bar. Al 4 otbasy (4 adam) Jylyoı aýdanyn, 1 otbasy (1 adam) Mahambet aýdanyn tańdapty. Sondaı-aq Maqatqa 2 otbasy (2 adam), Qurmanǵazyǵa 2 otbasy (2 adam) jáne Inder aýdanyna 2 otbasy (2 adam) kóship barǵan.
«Qazir Atyraý oblysynda qandastardy ýaqytsha ornalastyrý ortalyǵy jumys isteıdi. Biraq bul ortalyqta ýaqytsha turatyn etnostyq qazaqtar tirkelgen joq. Al turǵyn úı kezeginde 43 qandas tirkeýde tur. Mansap ortalyqtarynda 14 qandas jumyssyz retinde tirkeýge alyndy. Áleýmettik jumys ornyna 1, qoǵamdyq jumysqa 1 adam tartyldy», dep málimdedi basqarmanyń baspasóz qyzmetinen.
Atyraý oblysy