Aqparattar aǵyny

*«Aýyl sharýashylyǵyn qarjylyq qoldaý qory» AQ búginge deıin sharýalarǵa 90 mlrd. teńge qaryz bergen. Qordyń bólgen nesıelik qar­­jy­larynyń kómegimen 89,5 myń adam, onyń ishinde tek bıyl­ǵy jyldyń ózinde 13 myń turǵyn jumyspen qamtyl­ǵan. Al belsendi qaryz alýshy­lar­dyń sany 24,3 myńǵa deıin ósken. *Elimizde quny 43,6 mlrd. teńgeniń múlki jarııa etildi. Qarjy mınıstrliginiń máli­metinshe, zańdastyrý boıynsha jergilikti atqarýshy organdar ja­nyndaǵy komıssııalarǵa jal­py somasy 124,9 mlrd. teń­gege 16 046 ótinish kelip túsken. *Shaǵyn bıznes sýbek­tileri úshin aıyp­pul­dar kólemi 50 paıyzǵa tómendedi. Ádilet mınıstriniń orynbasary Záýresh Baımoldınanyń aıtýynsha, jańaákimshilik qu­qyq buzýshylyq týraly kodeks­te shaǵyn jáne orta bız­nes sýbektileri quqyq buz­ǵan jaǵ­daıda qoldanylatyn ja­za­­laýdyń túrli deńgeıi qarastyrylǵan. *Astana kásiporyn­dar­ynda bir jylda quny 324 mlrd. teńgeden asatyn ónim óndirildi. Qalalyq kásipkerlik jáne ónerkásip basqarmasynyń habarlaýynsha, elordada 2014 jyly jeńil jáne tamaq salalarynda óndiris kóleminiń artýy baıqalǵan. *Almaty óńirinde «20 ıgi is» jobasy qolǵa alyndy. Oblys ákimdiginiń baspasóz qyzmeti habarlaǵandaı, Qa­zaq­stan halqy Assambleıasy jylynyń aıasynda aımaqtaǵy etnomádenı ortalyqtar osy jobanyń maqsatyna saı túrli qaıyrymdylyq sharalar uıymdastyrýdy bastap ketti. *Qaraǵandyda mem­le­ket­tik satyp alýlardyń 55,1 paıyzy konkýrstar arqyly júzege asqan. Oblystyq memlekettik satyp alý jáne aktıvter basqarmasynyń basshysy Murat Kádekov málim etkendeı, qazirgi tańda 15 mlrd. 777 mln. teńgeni quraıtyn 99 konkýrstyń jospary jasalǵan. *Qyzylordada jylý ba­ǵa­sy arzandady. Oblys boı­ynsha monopolııaǵa qarsy departament dırektory Nurlan Pirimovtiń dere­gin­she, ústimizdegi jyldyń 1 qań­tary­nan bastap «Qyzylorda jylý elektr ortalyǵy» MKK óz tu­ty­nýshylaryna jylý tarıfin 3,6 paıyzǵa tómendetken. *Jambyl óńirinde «Ke­rýen-2015» jármeńkesi ótedi. Oblys ákimdiginiń baspasóz qyzmeti atap kórsetkendeı, turǵyndardy azyq-túlik taýarlarymen qamtý maqsatynda qolǵa alynǵan bul shara barysynda aımaqtaǵy barlyq aýdan qamtylady. Ony «TZK «Taraz» JShS turaqtandyrý qorynyń operatory uıymdastyrady. *Batys Qazaqstanda áleý­mettik salalarǵa basa nazar aýdarylyp otyr. Oblystyq qurylys basqarmasy basshy­synyń orynbasary Arman О́k­sikbaevtyń dereginshe, óńirde bilim jáne densaýlyq saqtaý sala­larynyń nysandaryn salý­ǵa 5281,3 mln. teńge qarjy bólingen. *Soltústik Qazaqstanda byl­tyr 116 sport nysany ashyldy. Oblystyq deneshy­nyqtyrý jáne sport basqar­masy Petropavl qalasynyń «Jas órken» shaǵyn aýdanynda muz arenasy men jeńil atletıka maneji bar sport saraıynyń qurylysy júrip jatqanyn málimdedi. Oǵan jergilikti bıýdjetten 2 mlrd. teńgeden astam qarjy qaralǵan. Habarlar Úkimet, oblystyq ákimdikter saıttarynyń derekteri boıynsha daıyndaldy.