Abaıdy bilmek paryz oıly jasqa

10 maýsymda 8-11 synyp oqý­shy­la­ryn qamtyǵan mereıtoılyq Abaı oqý­lary Semeı qalasynda saltanatty ashyl­dy. Mazmundy sharada Oqý-aǵartý mınıstrligi Orta bilim berý komıtetiniń tóraǵasy Qanybek Jumashev qatysý­shy­larǵa izgi lebizin arnady. Sondaı-aq buǵan deıin baıqaýdyń uıymdastyrý jumys­yna belsene atsalys­qan bilim, ǵylym jáne óner salasy­nyń maıtalmandary marapattaldy. Osyǵan deıingi baıqaýda top jarǵan jeńimpazdar da is-sharadan shet qalmady.

«Abaı oqýlary» – oqý­shy­lar­dyń rýhanı damýyna erekshe áser etetin aıtýly shara. Eli­miz­diń ár túkpirinen kelgen jas daryndardyń basyn qosatyn kıeli mekende ár qatysýshy sóz óneri shyńynda synalyp, qabilet qarymyn arttyryp, talabyn ústeıdi. Jańa býyn ókilderiniń hakim murasynan nár alyp, ulaǵatyn uǵýǵa degen talpynysy asqaq poezııa rýhyn aspandata túsedi. 2000 jyldan beri ótkizilip kele jatqan baıqaýda Abaı jáne Shákárim shyǵarmashylyǵyn qadir tutatyn 3 myńnan asa jas óskin qabiletterin shyń­­­­dap, darynyn dáleldedi.

11 maýsym kúni oblystyq kezeń­nen súrin­beı ótip, respýb­lı­kalyq baıqaýǵa joldama alǵan 130-dan astam oqýshy men ustaz qaýymy Abaıdyń «Jıde­baı-Bórili» memlekettik tarıhı-má­de­nı jáne ádebı-memorıaldyq mýzeı-qoryǵynyń bólimi Bórilidegi M.Áýe­zovtiń mýzeı-úıine, Syrt Qasqa­bulaq­ta­ǵy Abaıdyń týǵan jerine sapar shegip, «Eńlik-Kebek» eskert­kishi mańyn­daǵy teatrlandyrylǵan kórinisti tama­sha­lady. Sonymen birge aqynnyń Jıde­baı­daǵy mýzeı-úıine taban tirep, Qaraýyl aýy­lyn­daǵy Abaı eskertkishine gúl shoǵyn qoıdy.

12 maýsym kúni oqýshylar bilim, ǵy­lym, ádebıet salasynyń bilikti mamandarynan quralǵan qazylar alqasy aldynda «О́leń – sózdiń patshasy, sóz sarasy», «Abaıdyń qara sózderi», «Abaıdyń aqyn shákirtteriniń shyǵarmalary», «Kóńilim ándi uǵady», «Júırikten júırik ozar jarys­qanda»,«Sóz ónerindegi uly Abaı beı­nesi» atalymdary boıynsha óner­le­rin kórsetti. Oqýshylar baıqaý bary­synda aqynnyń óleńderi men poe­masyn, qarasózin jatqa aıtty.

Jıdebaıdaǵy «Abaı-Sháká­rim» me­mo­­rıal­dyq keshe­nin­de túıindelgen baı­qaý qory­tyn­dy­synda Oqý-aǵartý mınıstr­liginiń dıplomymen 47 oqýshy marapattaldy. Atap aıtsaq, I dárejeli dıplommen 6 qatysýshy, II dárejeli dıplommen 18 qatysýshy jáne III dárejeli dıplommen 23 qatysýshy marapattaldy.

Sondaı-aq «О́leń – sózdiń patshasy, sóz sarasy» atalymynda Abaı oblysy atynan baq synaǵan Arýjan Bolathan top jarsa, «Abaıdyń qara sózderi» atalymynda Jetisý oblysynyń úmitin úkilegen Aıajan Sársenbaı úzdik dep tanyldy. Sonymen birge «Abaıdyń aqyn shákirtteriniń shyǵar­malary» atalymyn Qara­ǵandy oblysynyń oıly oǵlany Izat Nurǵasyr jeńip alsa, «Kóńilim ándi uǵady» ataly­myn­da Nazarbaev zııatkerlik mekte­biniń talantty oqýshysy Syrsuńqar Bazarbaıulynyń baǵy jandy. «Júı­rik­ten júırik ozar jarysqanda» atalymynda Pavlodar oblysynan kelgen Erkebulan Tilenish jeńimpaz atansa, «Sóz ónerindegi uly Abaı beınesi» atalymynda Janııa Otar I oryndy ıelendi.

Júldegerlerdiń bári «Da­ryn» res­pýblıkalyq ǵylymı-prak­tı­ka­lyq ortalyǵy taǵaıyndaǵan ba­ǵaly syılyqtarmen marapattaldy.

Abaı oblysy