Arqalyq qalasynda sý tasqynynan zardap shekken turǵyndar úshin 50 páterlik «aqyldy» turǵyn úı salynyp jatyr, dep habarlaıdy Egemen.kz QR О́nerkásip jáne qurylys mınıstrliginiń baspasóz qyzmetine silteme jasap.
Arqalyq qalasynda 94 úı qaýipti dep tanyldy. Zardap shekken azamattarǵa 68 páter satyp alynsa, taǵy 418 jeke úıdi qalpyna keltirý jumystary júrgiziledi dep josparlanyp otyr.
Ár otbasyǵa turǵyn úıdi qalpyna keltirýdiń birneshe nusqalary usynyldy:
óz betinshe qalpyna keltirý jumystaryn júrgizý úshin aqshalaı ótemaqy alý; jańa turǵyn úı satyp alý; jóndeý jumystaryn júrgizý.«Qalada sý tasqyny saldarynan zardap shekken azamattar úshin 50 páterlik «aqyldy» úı salynyp jatyr. Turǵyn úıdi «BAZIS» kompanııalar toby qarjylandyryp otyr. «Tumar» sımvoldyq ataýy bar jańa turǵyn úı Face ID beıne esik qońyraýlarymen jabdyqtalǵan. Úı qurylysy mamyr aıynyń ortasynda bastalyp ketken. Nysan kúzge qaraı paıdalanýǵa beriledi», delingen habarlamada.
Qyrmyzy JUMAǴALIQYZY,
EUÝ stýdenti