Sınoptıkter 15, 16 jáne 17 maýsymǵa arnalǵan aýa raıy boljamyn jarııalady, dep habarlaıdy Egemen.kz.
Aldaǵy kúnderi respýblıkanyń barlyq aýmaǵynda aýa raıy turaqsyz bolady.
«Jańbyr jaýyp, naızaǵaı oınaıdy, ekpindi jel soǵady. Soltústikte, shyǵysta, ońtústik-shyǵysta, respýblıkanyń ortalyǵynda burshaq jaýýy múmkin, soltústikte 15, 17 maýsymda, ortalyqta 15 maýsymda qatty jańbyr jaýady dep kútiledi», delingen aqparatta.
Al eldiń batysynda aýa temperatýrasy +33+42°S deıin ysıdy, ońtústik-shyǵysta aýa temperatýrasy +35+42°S deıin kóteriledi.
«Soltústikte +26+34°S, ortalyqta +25+33°S, shyǵysta +21+31°S deıin ysıdy», dep habarlady «Qazgıdromet» RMK baspasóz qyzmeti.