Oblystyq jáne qalalyq máslıhat depýtattary, memlekettik mekemeler qyzmetkerleri, eńbek ujymdary, «Jasyl el» eńbek jasaǵynyń músheleri «Taza Qazaqstan» respýblıkalyq aksııasy aıasynda Aqtóbe qalasyndaǵy Tuńǵysh Prezıdent saıabaǵynyń aýmaǵyn, «Ǵashyqtar alleıasy», trıatlon saıabaqtaryna tazalyq jumystaryn júrgizdi.
Qala turǵyndarynyń demalys oryndaryna aınalǵan, jaz boıy mádenı, buqaralyq sıpattaǵy túrli is-shara ótetin saıabaqtardy retke keltirý, aǵash butalaryn áktep, byltyrǵy qystan qalǵan qoqystardan, qýraǵan shópterden aryltý, synǵan oryndyqtardy jóndeý, qysh taqtaıshalardy retke keltirý jumystarymen qala tazalyǵyna jaýapty kommýnaldyq qyzmet mamandary emes, barlyq turǵyn aınalysýǵa tıis.
О́tken aptada orman sharýashylyǵy qyzmetkerleri, balyqshylar qaýymdastyǵy, eriktiler, «Jasyl el» eńbek jasaǵynyń músheleri «Taza qala – taza jaǵalaý» aksııasy aıasynda Elek, Qarǵaly, Sazdy ózenderiniń jaǵasyndaǵy kommýnaldyq jaǵajaılardy retke keltirdi. Elek ózeniniń jaǵalaýyn tazalaýǵa shyqqan 100 erikti 8 tonna qoqys jınasa, Qarǵaly ózeniniń boıynan 7 tonna qoqys jınaldy. Qala tóńiregindegi ózen aıdyndary óte las, sý arnalary boıy men ótkelderdi kóktemgi sý tasqynynda jınalǵan shóp-shalam men synǵan aǵash butaqtary toltyryp tastaǵan. Oǵan turmystyq qaldyqtar taǵy qosylǵan. Ásirese Aqtóbe sýqoımasynyń jan-jaǵy turmystyq qaldyqtarǵa toly. Sondaı-aq «Taza orman» aksııasy aıasynda Aqtóbe qalasy Zarechnyı turǵyn úı alabyndaǵy toǵaılardy orman sharýashylyǵy mekemesi qyzmetkerleri «Jasyl el» eńbek jasaǵynyń múshelerimen birge tazalady. Mundaı is-shara bir mezgilde Aqtóbe oblysynyń on eki aýdanynda jalǵasty.
Sáýirdiń sońǵy onkúndiginen beri el aýmaǵynda ótkizilip jatqan senbilikter týǵan jeriniń tabıǵatyna beıjaı qaramaıtyn turǵyndardyń erikti is-sharasyna aınaldy. Jazǵy kanıkýl bastalyp, qoldary bosaǵan stýdentter «Taza qala – taza jaǵalaý» naýqany aıasynda qoldaryna tyrma, kúrek, sypyrǵysh ustap, arnaıy qolǵaptar kıip, Aqtóbe qalasynyń tóńiregindegi ózen jaǵalaýlaryn qoqystardan aryltýǵa kiristi. Aqtóbe qalasy jastar resýrstyq ortalyǵynyń qyzmetkerleri Almaty aýdanynyń probasııa tizimindegi jastar jáne volonterler Elek ózeniniń jaǵalaýyn tazalaýdy bastady. «Ekologııalyq is-sharanyń negizgi maqsaty – jasóspirimder, jastar boıynda ekologııalyq mádenıetti qalyptastyrý. О́ıtkeni tabıǵatty aıalaýǵa daǵdylanyp ósken jastar boıynda izgilik sezim qalyptasady. Ol eshqashan da qoqysty kez kelgen jerge laqtyrmaıdy, tabıǵatty búldirmeıdi jáne qatarlastaryna úlgi bolady. Osy arqyly adamdarymyz boıyna ekologııalyq mádenıetti sińirýge yqpal etemiz», deıdi Aqtóbe qalasynyń jastar resýrstyq ortalyǵy» KMM dırektory S.Artyǵalın.
«Taza qala – taza jaǵalaý» aksııasy jyl sońyna deıin jalǵasatyn bolady. Tabıǵat aıasyna demalýǵa kelip, ózen jaǵalaýyna shólmek, plastık qutylar, basqa da turmystyq qoqys tastap, aınalasyn ábden lastap ketetin eresekter balalardyń qoqys jınap júrgenin kórip, oılanar degen úmit bar.
Aqtóbe oblysy