ASTANA. 17 qańtar. Reseı prezıdenti Vladımır Pýtınniń óz eli elektoraty aldyndaǵy reıtıngisi taǵy da sharyqtap kóterilip, 70 paıyzdyń ústine shyqty. Bul týraly «Argýmenty ı fakty» basylymyna silteme jasaǵan ras.kz habarlady.
Eger aldaǵy jeksenbide prezıdent saılaýy óte qalsa, Vladımır Pýtındi reseılikterdiń 70 paıyzdan astamy qoldaǵan bolar edi. «Qoǵamdyq pikir» qorynyń baıandamasy osyny ańǵartady.
Saýalnama barysynda sosıologtar respondentterge 2012 jylǵy prezıdent saılaýyna qatysqan adamdardyń tizimin usynǵan. Sonda jaýap bergenderdiń 71 paıyzy Vladımır Pýtınniń kandıdatýrasyna toqtalǵan. Budan bólek, Vladımır Jırınovskıı – 5, Gennadıı Zıýganov – 4, al Mıhaıl Prohorov 1 paıyzdyq daýys alǵan.
Qordyń atap ótkenindeı, prezıdent 2008-2009 jylǵy daǵdarys tusynda da dál osylaı birden kúrt joǵary shyqqan. «Elde qolaısyz jaǵdaı bola bastaǵan kezde, jurt ózderin qorǵaı alatyn ınstansııaǵa osylaı tabıǵı jolmen arqa súıeıdi», – dep túsindiredi muny qordyń basshysy Aleksandr Oslon.
Eske sala keteıik, osynyń qarsańynda «Levada-sentr» sondaı-aq osyndaı saýalnama qorytyndysyna súıenip, reseılikterdiń basym bóliginiń 2018 jylǵy saılaýdan keıin de Vladımır Pýtınniń óz oryntaǵynda qala berýin qalaıtynyn jarııalaǵan bolatyn.
Budan basqa, Reseı basshysy ótken jyly taǵy da «Jyl adamy» atandy.
Aıdar О́risbaev.
Derek: ras.kz.
Sýret: ria.ru.