Elimizdiń jetekshi pedagogıkalyq joǵary oqý orny – Abaı atyndaǵy QUPÝ Túrkistan oblysynyń jalpy bilim berý mekemeleriniń basshylary men muǵalimderi úshin «Bilim alýshylarda pándik, sıfrlyq quzyrettilikterdi, fýnksıonaldyq saýattylyqty, ıkemdi daǵdylardy qalyptastyrý» taqyrybynda biliktilikti arttyrý kýrsyn ótkizdi.
Pedagog kadrlarynyń biliktiligi men kásibı quzyrettiligin arttyrýdy maqsat etken kýrsty tyńdaýǵa.
Biliktilikti arttyrý kýrsyna qaýymdastyrylǵan professor Nurjamal Oshanova, Amangúl Orakova, Azııa Jumabaeva, Sáýle Ábisheva, Naǵıma Ilııasova, Serik Ivatov, Qalampyr Jumaǵulova jáne Shahıslam Laıshanov sııaqty bilim berý salasyndaǵy jetekshi sarapshylar, ǵylym doktorlary, ǵylym kandıdattary men ýnıversıtet professorlary qatysyp, 8 mektepten kelgen 150-den astam muǵalimge zamanaýı bilim úrdisi jaıyndaǵy aqparattarmen bólisti.
Paneldik sessııada pedagogter bilim berýdegi sapa menedjmenti (TQM IS), belsendi oqytý ádisteri arqyly fýnksıonaldyq saýattylyqty damytý, elektrondy sıfrlyq ortada orys tili men ádebıeti oqýlyqtaryn paıdalaný, «4K modeli» jáne dıskýrstyq taldaý, muǵalimder men mektep oqýshylarynyń ǵylymı zertteý jumystary, jaratylystaný pánderi boıynsha metapándik quzyrettilikterdi qalyptastyrý, geografııa muǵalimderine geoaqparattyq bilim berý máseleleri, bilim berýde jasandy ıntellekti paıdalaný barysyn meńgerip, mekteptegi ǵylymı jobalarǵa qatysty málimetterdi taldady. Sonymen birge lıngvıstıkalyq ınterpretasııanyń oqytý ádistemesindegi orny, ǵylymdy damytý boıynsha bilim, qashyqtyqtan oqytý materıaldaryn paıdalaný, sıfrlyq pedagogıka jáne pedagogtiń IT quzyrettiligi sııaqty zamanaýı taqyryptar boıynsha da leksııalar oqyldy.
Ýnıversıtet uıymdastyrǵan kýrstarda jyl sońyna deıin myńǵa jýyq pedagog biliktiligin arttyratyn bolady.
ALMATY