Otandyq rejısserlerdiń 87 jobasy talqylandy. Al 18-20 maýsym kúnderi ashyq qorǵaý ótkiziledi. Eń úzdik kınojobalar memlekettik qarjylandyrýǵa ıe bolyp, ulttyq fılm retinde tanylady, dep habarlaıdy Egemen.kz.
Kınojobalardy irikteý 8 sáýirden bastalyp, telefon qońyraýlary, offlaın kezdesý jáne áleýmettik jelidegi keri baılanys arqyly konsýltasııa jumystary júrgizildi. Birinshi kezeń boıynsha elektrondy túrde tirkelgen ssenarııler men ssenarıı josparlarynyń jalpy sany 465-ti qurady.
«Ashyq qorǵaý ádiletti ótetine senimimiz mol. Barlyq joba kınoortalyqtyń resmı YouTube arnasynda onlaın-rejımde kórsetiledi. Saraptama keńesiniń músheleri de ulttyq kınoǵa súbeli úles qosatyn kınokartınalardy irikteýge kúsh salýǵa kirisip otyr», deıdi Ulttyq kınony qoldaý ortalyǵynyń basqarma tóraǵasy Qurmanbek Jumaǵalı.
Aıta keteıik, saraptama keńesiniń quramynda Doshan Joljaqsynov pen Ásııa Baıǵojına bastaǵan Álııa Bópejanova, Aqberen Elgezek, Sáýle Dosjan sekildi zııaly qaýym ókilderi bar.
Araı NURQABYL,
L.N.Gýmılev atyndaǵy Eýrazııa ulttyq ýnıversıteti stýdenti