Prezıdent Qasym-Jomart Toqaev Shyǵys, Ortalyq Eýropa jáne Ortalyq Azııa elderiniń esirtkige qarsy saıasaty jónindegi komıssııasynyń tóraǵasy Aleksandr Kvasnevskııdi qabyldady, dep jazady Egemen.kz Aqorda baspasóz qyzmetine silteme jasap.
Kezdesý barysynda nashaqorlyqtyń jáne esirtki bıznesiniń beleń alýyna qarsy kúreske qatysty aqparat alý, úzdik tájirıbelerdi nasıhattaý baǵytynda Komıssııamen qarym-qatynas jasaý máseleleri talqylandy.
«Sizdiń mıssııańyz óte mańyzdy. Biz muny nashaqorlyqqa qarsy kúres jónindegi yqpaldastyqty damytý úshin óte paıdaly dep sanaımyz. Elimizde bul máselege aıryqsha mán beriledi. Jýyrda Ulttyq quryltaıda sóılegen sózimde esirtki óndirýmen jáne ony halyq arasynda taratýmen aınalysatyn adamdarǵa qatysty jazany qatańdatý turǵysynan zańnamany qaıta qaraý qajet ekenin aıttym. Siz Shyǵys, Ortalyq Eýropa jáne Ortalyq Azııa elderiniń esirtkige qarsy saıasaty jónindegi komıssııasynyń jetekshisi retinde adamzat múddesin kózdeıtin mańyzdy mıssııany atqaryp kelesiz. Qazaqstan Komıssııamen belsendi qarym-qatynas jasaýǵa daıyn», dedi Prezıdent.
О́z kezeginde Aleksandr Kvasnevskıı esirtkige qarsy saıasattyń tıimdiligin arttyrýǵa baǵyttalǵan jańa baǵdarlamalar men sharalar týraly aıtty.
Qasym-Jomart Toqaev pen Aleksandr Kvasnevskıı esirtkige táýeldiliktiń aldyn alý jáne esirtkini zańsyz taratýǵa qarsy kúresý úshin birlesken jumysty jalǵastyrýǵa ýaǵdalasty.