Búginnen bastap elektrondy temeki aınalymyna keshendi shekteýler engizetin «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» jańartylǵan zań kúshine endi. Endi Qazaqstanda veıpterdi, sondaı-aq olarǵa arnalǵan hosh ıistendirgishter men suıyqtyqtardy satýǵa, ákelýge jáne óndirýge tyıym salyndy, dep habarlaıdy Egemen.kz.
Ruqsat etilgen oryndarda temeki shegý úshin tikeleı jaza qarastyrylmaǵan, alaıda ruqsat etilmegen jerlerde paıdalaný 3 AEK-ke deıin aıyppul salýǵa ákelýi múmkin, bul 2024 jyly 11 076 teńgeni quraıdy. Tyıym salynǵan ónimdi satýǵa tyrysqandar 200 AEK-ke deıin aıyppul arqalaıdy (738 400 teńge) nemese 50 táýlikke deıingi merzimge qamaýǵa alynady.
Veıpterdi ákelý jáne óndirý erejelerin buzǵany úshin zań odan da qatań sharalardy kózdeıdi: aıyppul eki myń AEK-ke (7,3 mıllıon teńge) deıin jetýi múmkin, al osy saladaǵy júıeli buzýshylyqtar nemese qylmystyq áreketter úshin aıyppul bes jylǵa deıingi merzimge bas bostandyǵynan aıyrý múmkindigimen bes myń AEK-ke (18,4 mıllıon teńge) deıin ulǵaıady.
Esterińizge sala keteıik, Qazaqstanda veıpterdi ákelýge jáne taratýǵa tyıym 2024 jyldyń qańtarynda engizilgen bolatyn.