Sıfrlyq damý, ınnovasııalar jáne aeroǵaryshty damytý mınıstri Jaslan Mádıev qazaq tilindegi ChatGPT qashan iske qosylatynyn aıtty, dep habarlaıdy Egemen.kz.
- Árıne, ol óte mańyzdy joba. Qazirgi tańda biz QazLLM degen jobany iske asyryp jatyrmyz. Ol úlken tildik model. Nazarbaev Ýnıversıtetimen osy baǵytta jumys júrgizilip jatyr. Búginge deıin 6 mlrd-qa jýyq token jınaldy. Bizdiń maqsat — 100 mlrd tokenge deıin jetkizý. Osy jyldyń sońy - jeltoqsanda birinshi nusqasy shyǵady dep oılaımyz, – deıdi Mádıev.
Aıta keteıik, ChatGPT byltyrdan beri eń kóp talqylanǵan jobaǵa aınaldy. Adamdar onymen sóılesip, túrli tapsyrma berip, tipti dıplom jumysyn jazdyryp kórgen.
ChatGPT – amerıkalyq kommersııalyq emes OpenAl kompanııasynyń 2022 jyldyń qarasha aıynda tanystyrǵan neırondyq jelisi. Ol arqyly jasandy ıntellektpen hat jazysyp, kez kelgen suraq qoıýǵa nemese tapsyrma berýge bolady.