Astana qalasyndaǵy IIM Ulttyq ulannyń avıasııalyq bazasynda BAQ ókilderine arnalǵan baspasóz týry uıymdastyryldy.Ulttyq ulan – ishki ister organdarynyń biryńǵaı júıesine kiretin, qoǵam men memlekettiń qaýipsizdigin qamtamasyz etýge, adam quqyqtary men bostandyǵyn qylmystyq, ózge de quqyqqa qarsy qol suǵýshylyqtan qorǵaýǵa arnalǵan qurylym. Ol polısııa sekildi qoǵam ishindegi tártip pen qaýipsizdikke jaýapty bolǵanyna qaramastan, áskerı uıym bolyp sanalady. Sondyqtan ózine tıesili áskerı bólimderi, sonyń ishinde avıasııalyq bazalary bar. Sonyń biri – elordalyq áýe aılaǵynan oryn tepken sý jańa 3656 áskerı bólim.
Bul avıabazany bıyl 3 mamyrda Memleket basshysy Qasym-Jomart Toqaev arnaıy baryp ashqanyn jazǵan edik. Sol saltanatty jıynda Prezıdent: «Avıasııalyq bazanyń ashylýy – Ulttyq ulan ǵana emes, búkil əskerimiz úshin aıtýly oqıǵa. Bul baza kúshtik qurylymdardyń əleýetin edəýir arttyrýǵa múmkindik beredi. Ushqyshtardyń shuǵyl əreket etýine jaǵdaı jasaıdy. Memleket Qarýly Kúshterdi jabdyqtap, əskerı ınfraqurylymdy damytý məselesin aıryqsha nazarda ustaıdy», degen bolatyn.
Qyzmetin endi bastap, óristetip jatqan áskerı bólimdegi baspasóz týry aıasynda jýrnalısterge ekskýrsııa uıymdastyrylyp, avıabazanyń ınfraqurylymy, mádenı-demalys ortalyǵy, sport kesheni, ushaqtary men tikushaqtary, sondaı-aq ushqyshtar men ınjenerlik-tehnıkalyq quramǵa arnalǵan ashanasy tanystyryldy.
Áýe eskadrılıa komandıriniń tárbıe jáne áleýmettik-quqyqtyq jumystar jónindegi orynbasary, podpolkovnık Talǵat Býlanovtyń aıtýynsha, Ulttyq ulan avıabazasy – tek quqyqtyq tártip áskerinde ǵana emes, elimizdegi zamanaýı ınfraqurylymy bar jańa áskerı nysan.
– Bizdiń ushqyshtar elimizde bolǵan sý tasqyny zardaptaryn joıýǵa belsendi atsalysty. Ulandyq avıasııa halyqty qutqarý jumystaryna kómektesti. Qandaı jaǵdaı bolsyn, olar jaýyngerlik tapsyrmany oryndaýǵa daıyn, – deıdi ol.
Onyń aıtýynsha, dál osy bazada turǵan ushaqtar ótken jyly Túrkııa men Sırııada jer silkinisi bolǵanda sol elderge gýmanıtarlyq kómekterdi jetkizgen. «Bular – bizdiń elimizdegi eń qýatty júk tasymaldaǵysh ushaqtar. Túrkııa men Sırııadan bólek Aýǵanstanǵa da gýmanıtarlyq júkterdi jetkizdik», dedi ol.
Jýrnalıster jańa áskerı ushaqtar men tikushaqtardy tamashalap, áskerı tehnıkanyń jumysymen jaqynyraq tanysýǵa múmkindik aldy. Jeke quram men júkterdi, syrtqy aspada iri gabarıtti júkterdi tasymaldaýǵa, izdestirý-qutqarý operasııalaryn júrgizýge, zardap shekkenderdi evakýasııalaýǵa t.b. arnalǵan áýe kemeleri kez kelgen tapsyrmany oryndaýǵa saqadaı saı tur. Bizdi ásirese Qytaıda tapsyryspen jasalyp, bıyl ǵana ákelingen sý jańa Y-8 ushaǵy qyzyqtyrdy.
– Bul ushaqtyń maksımaldy jyldamdyǵy – saǵatyna 550 shaqyrymdy quraıdy. 10 shaqyrymǵa deıin joǵary kóterilip usha alady. Áýe kemesiniń uzyndyǵy 34 metr, qanattarynyń uzyndyǵy – 38 metr. Ishine 86 adam syıady, 20 tonnaǵa deıin júkti kótere alady. Ushaqta 4 qozǵaltqysh ornatylǵan. Bul ushaq ártúrli tapsyrmany oryndaı alady. Aýyr júkter men áskerı tehnıkalardy da tasymaldaıdy, – dep tanystyrdy áýe kemesiniń bort ınjeneri Marlen Mustafın.
Baspasóz týrynyń eń qyzyqty sáti – IIM qyzmetkeri, podpolkovnık Baýyrjan Kamalıevtiń 32 tonnalyq áskerı ushaqty súıreýden álem rekordyn jańartty. 40 jastaǵy sportshy esktrımmen aınalysatyn aýyr atlet retinde tanymal. Ol AN ushaǵyn 10 metrge súırep, Qazaqstannyń rekordtar kitaby uıymynan kelgen arnaıy ókil elimizdiń jáne álemniń rekordy jańarǵanyn resmı túrde rastady.
– Bul rekordty alda kele jatqan Polısııa kúni merekesine arnaımyn. Ońaı bolǵan joq. Ne bel ketedi, ne belbeý ketedi dep táýekelge bardym. Qudaıǵa shúkir, maqsatym oryndaldy. Bul – oryndap otyrǵan altynshy rekordym. Qazaqtyń árbir jigiti qýatty, jigerli bolýy kerek. О́z elin, óz jerin qorǵaýǵa daıyn bolýǵa tıis, – dep áserimen bólisti jańa rekord ıesi.
Aıta ketsek, buǵan deıin Baýyrjan Kamalıev poıyzdyń eki lokomotıvin, 10 «Toyota Land Cruiser» kóligin, «Airbus» ushaǵyn jáne Mı-19 tikushaǵyn súırep rekord ornatqan edi.
Baspasóz týry barysynda áskerı kıim úlgilerinen jáne kólik túrlerinen kórme uıymdastyrylyp, odan keıin jýrnalıster sarbazdar ashanasynan dám tatty. Bir aıta keterligi, áskerı bólim ashanasynyń máziri keıingi ýaqytta qazaqtyń ulttyq taǵamdarynan ázirlenetin bolǵan. Onyń ishinde et, baýyrsaq, qurt sekildi taǵamdar qoıylady.
BAQ ókilderi osy kúni A-74 avtomaty men Makarov tapanshasyn shashyp-jınaýdan, normatıv tapsyrýdan baıqaýǵa qatysyp, ózara myqtyny anyqtady. Jeńimpazdar Ishki ister mınıstriniń orynbasary – Ulttyq ulan bas qolbasshysy, general-leıtenant Erkin Botaqanovtyń atynan gramotamen marapattaldy.
Aıta keteıik, Ulttyq ulan avıasııasy IIM-niń kúshtik quramdas bóligi retinde kúshter men quraldardy qoldaný kezinde paıdalanylady, Qarýly Kúshterdiń, UQK Shekara qyzmetiniń avıasııalyq quramalary men bólimderin biriktiretin jáne eldiń ulttyq qaýipsizdigin qamtamasyz etý júıesindegi neǵurlym joǵary tehnologııalyq, jaýyngerlik jáne utqyr quraldardyń biri sanalatyn Qazaqstannyń memlekettik avıasııasynyń quramyna kiredi.
Elordada Ulttyq ulannyń avıasııalyq bazasyn ornalastyrý kúshter men quraldardy kez kelgen tapsyrmany oryndaý ornyna ýaqtyly jetkizýdi qamtamasyz etedi. Osylaısha, Ulttyq ulannyń bólimshelerine áýeden barlaý júrgizip, qylmyskerlerdi izdeý, zardap shekkenderdi evakýasııalaý úshin ushyp shyǵý, avıasııalyq qoldaý kórsetý ýaqyty qysqartyldy.