Oblystyq tarıhı-ólketaný murajaıynda 100 jyldyq tarıhy bar kóne qamzol saqtaýly tur. О́tken ǵasyrdyń jıyrmasynshy jyldary saıyn dalany sharpyp ótken kámpeskeleý naýqanynda kezinde Qarabalyq óńirindegi Saryoı bolysyn basqarǵan Bermuhamed Aldııarovtyń otbasynan alynǵan qyzyl qamzoldyń syry ketse de, syny kete qoımaǵany kórinip tur.
HIH ǵasyrdyń sońy, HH ǵasyrdyń basynda aýqatty áýletten shyqqan áıel adamdar kıgen qymbat kıimniń oqaly órnegi men sán-saltanaty keıingi kezde halyqaralyq sán kórmeleriniń tórinen jıi kórinip, álem jurtshylyǵyn tamsandyryp júrgen qazaqtyń sán kıimderiniń eshqaısysynan kem túspeıtini qaıran qaldyrady.
Qamzoldy BK(b)P Qostanaı gýbkomy baılardyń múlkin tárkileý naýqany dúrildep turǵan 1928 jyly mýzeıge tapsyrǵan.
«Turmystaǵy baı áıelderge arnalǵan mundaı jeńsiz syrt kıimdi myqynnan túsetindeı uzyn qylyp barqyttan nemese atlas tárizdi qymbat matadan tikken. Tumar retinde oıyǵyn, qamzoldyń tómengi qaptaly men etegin jibek nemese metall jiptermen zerlegen. Bul qamzol qyzyl barqyttan tigilgen, syrtqy beti altyn jiptermen ósimdik túrindegi órnektermen zerlenip, jyltyraqtarmen kómkerilgen. Keýde oıyǵy men qaltalary kók barqytpen, qamzoldyń etegi – altyn oqaly taspamen kómkerilgen. Astary maqta-mata kezdemeden jasalǵan», deıdi mýzeı mamany Názıma Otasheva.
Búginde murajaıdyń qundy jádigerleriniń birinen sanalatyn altyn oqaly qamzoldy 1994 jyly almatylyq qolóner sheberi Tursynkúl Jaılaýbaeva qalpyna keltirgen.
Qostanaı oblysy