Qazaqstan Respýblıkasynyń Bas prokýratýrasy Prezıdent tapsyrmasy boıynsha Kıevte qazaq jýrnalısine jasalǵan qastandyqqa qatysty tergeý amaldaryn bastady, dep jazady Egemen.kz.
18 maýsym kúni «Báse» YouTube-arnasynyń avtory Aıdos Sadyqovqa belgisiz bireý oq jaýdyrǵan edi.
Qylmystyq is boıynsha tergeý-jedel toby quryldy. Qylmysty ashýǵa jáne kúdiktilerdi ustaýǵa baǵyttalǵan qajetti jedel-izdestirý is-sharalary júrgiziledi.
«Keshe Qazaqstannyń Bas prokýrory Ýkraına Bas prokýrorynyń atyna osy qylmysty ashýǵa barynsha tájirıbeli qazaqstandyq tergeýshilerdi tarta otyryp, barlyq kómek kórsetý týraly usynys jasaǵan edi. Bas prokýratýra qylmystyq isti tergeý barysyn erekshe baqylaýǵa aldy», delingen Bas prokýratýra habarlamasynda.