Búgin Astanada Túrikmenstannyń Qazaqstandaǵy mádenıet kúnderi bastaldy. Eń aldymen túrikmen aqyny Maqtymquly Pyraǵynyń «At ısların» shyǵarmasyna negizdelgen rejısser Arslan Eýeberdıevtiń «Istarıan» kórkem fılmi kórsetildi, dep habarlaıdy Egemen.kz QR Mádenıet jáne aqparat mınıstrligine silteme jasap.
Saltanatty ashylýǵa eki eldiń memlekettik organdarynyń ókilderi, shyǵarmashylyq jáne ǵylym salasyndaǵy zııalylar, sondaı-aq qoǵam qaıratkerleri qatysty.
QR Mádenıet jáne aqparat vıse-mınıstri Erbol Áliqulov óz sózinde Maqtymquly Pyraǵynyń aıshyqty orynyn atap ótip, onyń rýhanı murasy kúlli túrki álemindegi dostyq pen beıbitshilikti nasıhat etetinin atap ótti.
Aıta keteıik, erteń mádenıet kúnderi aıasynda QR Ulttyq akademııalyq kitaphanasynda Túrikmenstan Prezıdenti Serdar Berdimuhamedovtyń «Maqtymquly» kitabynyń tusaýkeseri ótedi. Sol kúni Qalıbek Qýanyshbaev atyndaǵy Qazaq ulttyq mýzykalyq drama teatrynda Túrikmenstannyń halyqtyq qoldanbaly óneri men murajaı qundylyqtarynyń kórmesi jáne gala-konsert ótedi.
Sársenbide rejısser Hekim Alavovtyń «Qyzyl alma» kórkem fılminiń kórsetilimi, «Aqylgóı» monospektakliniń qoıylymy jáne Túrikmenstan ulttyq kıimderiniń kórsetilimi ótedi.
27 maýsym kúni eki eldiń ónerpazdary gala-konsertte óner kórsetip, mádenıet kúnderin aıaqtaıdy.