Elordada «Qazaq gazetteri» jaýapkershiligi shekteýli seriktestigi basshylyǵy Qytaı Medıakorporasııasy Eýrazııa bıýrosynyń dırektory Van Bındi qabyldady. Kezdesý barysynda taraptar baspasóz salasyndaǵy yntymaqtastyq máselesin talqylady.
Ádette Qytaı Halyq Respýblıkasynyń Tóraǵasy Sı Szınpınniń remı sapary aıasynda jarııalanatyn maqalanyń daıarlaný úderisi osy eldiń BAQ-qa jaýaptary mamandandyrymen birlesip talqylanady.
Van Bın sondaı-aq Tóraǵa maqalasynyń redaksııada qaralyp, dızaınerlerdiń ony betke ornalastyryp jatqanyn jáne sondaı-aq baspahanada basylý úderisin taspalap, arnaıy rolık ázirleıtini týraly da usynysyn aıtty.
Seriktestik bas dırektory Dıhan Qamzabekuly tikeleı aýdarylmaǵan mátinniń keıde túpnusqa maǵynadan aýytqyp ketetin tustary kezdesetinin eskertti. Sol sebepti maqalany oryssha aýdarmasynan emes, negizgi túpnusqadan, ıaǵnı qytaı tilindegi mátinnen tikeleı aýdarǵan durys degen usynysyn jetkizdi. Ol sondaı-aq elimizde qazaq-qytaı tilderinde erkin de saýatty aýdarma isimen aınalysatyn otandyq shyǵystanýshy ǵalymdardyń bar ekenin de aıta ketti.
Eki eldiń basty medıa kompanııalary ókilderiniń kezdesýi barlyq usynys boıynsha ortaq kelisimge kele alǵan ózara túsinistik jaǵdaıynda aıaqtaldy.
Kezdesýge Qytaı Medıakorporasııasy Eýrazııa bıýrosynyń Astanadaǵy tilshiler qosynynyń shef-redaktory Chjan Iýııao, «Qazaq gazetteri» JShS bas dırektorynyń birinshi orynbasary Vladımır Kýrıatov ta qatysty.
Esterińizge sala ketsek, aldaǵy 3-4 shilde kúnderi Astana qalasynda Shanhaı Yntymaqtastyǵy Uıymynyń óńirdegi jan-jaqty dıalogti nyǵaıtý men turaqty damý, beıbitshilik máselelerine arnalǵan sammıti ótpek. Aýqymdy is-sharaǵa álemniń 16 elinen memleket basshylary men úkimet basshylary keledi dep kútilip otyr.