Kishi serjanttyń ónerli otbasy

Balabaqshadaǵy balasynan bas­tap eńkeıgen qarttaryna deıin sah­na­ǵa shyqqan bes áskerı qyzmet­shi­niń ­otbasy arasyndaǵy jeńimpaz­dy anyqtaý qazylar alqasyna qıyn­dyq týǵyzdy. Alaıda shańyraǵyna ónerimen, órligimen úlgi bola bilgen kishi serjant Nurbol Manapovtyń ákesi Turǵynbek ata bastaǵan áýlet júldeli 1-oryndy ıelendi.

Áskerı bólimniń materıaldyq jáne tehnıkalyq qamtamasyz etý rotasynda qyzmet atqaryp júrgen kishi serjant Nurbol Manapovtyń ózi de ónerden kende emes. Ákesi Turǵynbek Manapov ta uzaq jyl aýyl mektebin­de ustazdyqtyń uly jolyn ótegen. Qoǵamdyq ómirge belsene aralasyp júrgen Túrkistan oblysynyń qurmetti azamaty, aqyn, tól ónerimizdi tórge súırep júrgen dombyrashy. Anasy Beısenkúl Omarqulqyzy da bilim oshaǵynda ustazdyq etken ulaǵatty jan. Qazir ekeýi de zeınetke shyqqanymen, jastarǵa tálimdi tárbıesimen bólisip otyr. Anasy aýyl­dyń ánshi ájeler tobynyń múshesi. Osyndaı mádenıet pen ónerdi, tarıh pen taǵylymdy jastaıynan ­boıyna sińirip ósken áskerı qyzmetkerdiń de ónerden kende bolýǵa qaqy joq sekildi.

Qara sóz ben qara óleńniń qana­tynda qalyqtaǵan kishi serjant Nurbol búginde ujymda qyzmetimen de, qur­metimen de erekshelenip júrgen ja­ýynger. Túrkistan oblysynyń Tóle­bı aýdanyndaǵy Abaı aýylynda dú­nıe­ge kelgen ol mektepti aıaqtaǵan soń ata-anasynyń jolyn qýdy. Joǵa­ry oqý ornyn támamdaǵan soń, aýyl mektebinde tarıh páninen sabaq beredi. Otanshyldyqty, el qorǵaýdy jasta­ıynan úlkenderden úlgi etken Nur­bol ýaqyty kelgende azamattyq bory­shyn óteýge áskerge attandy. Alǵash­qy áskerı qyzmetin Lengir qalasyn­daǵy 6698 áskerı bóliminiń 4-jeke at­qysh­tar rotasynda bastaǵan Nurbol bú­ginde Ulttyq ulan qatarynda jaýyn­ger­lik qyzmetin abyroımen atqaryp ke­ledi.

«Nurbol ujymda óte abyroıly. Ázilqoı, kópti ózine qara­ta alatyn sheshendigi de bar. Serjant retinde bárimizdiń kómekshimiz. Sar­bazdardy jyly sózben baýrap, sanaly buıryqpen basqaratyn táji­rıbeli áskerı qyzmetshi. Bólimde bolatyn barlyq koǵamdyq isterdi ózi uıymdastyryp júredi. Bárimizge úzdik qyzmetimen, ónegeli otbasy­men úlgi. Áskerı bólimde ótken «О́ner­li otbasy» saıysynda ata-anasy­men jaqynnan tanysyp, «Jaqsynyń jaqsylyǵyn aıt, nury tasysyn» de­gendeı, adal ul, senimdi serjant tár­bıelegeni úshin alǵysymyzdy bil­dirdik», deıdi komandıri, leıtenant Ádiljan Meldebek.

О́nerli jaýynger Láılámen 2008 jyly otbasyn qurdy. Búginde aýyl mektebinde meıirbıke bolyp kyzmet atqaratyn Láılá ekeýi ata-anasy­nyń qara shańyraǵynda eki ul, eki qyz tár­bıelep otyr. «Ata óneri – balaǵa mura» dep halqymyz beker aıtpasa kerek. Qyzdary – Qaraqat pen Aızere saıys kezinde ulttyq bıdi naqyshyn keltire oryndap, talanttaryna tań­daı qaqtyrdy. Atasy sózin jazǵan «Týǵan ólke tabıǵatyn qorǵaıyq», «Ulandar jyry» ánderin áýeletip aıtyp júr­gen Nurqabyl men Aısultan da óner­li órender eken. Nurbol­dyń áp­kesi Saltanat ta ónerden kende ­emes, ­me­k­­­tepte mýzyka páninen muǵa­lim. Ara­­syn­da balalarǵa án jazatyn ­s­az­­gerlik qabileti de bar.

Saıys sońy ónerdiń ónegeli jolymen júrip kele jatqan jaýyngerdiń ­otbasy oryndaǵan ádemi ánmen aıaq­taldy. Kórermenniń yqylasyna bólengen áýlettiń áýeletken áni sar­bazdardyń da otanshyldyq rýhyn oıatýǵa sebep boldy.