Aqseleý týrnıri máresine jetti

Týrnırge Aqańmen úzeń­giles júrgen tarıh­shy-ǵalym Qoıshyǵara Sal­ǵarauly, jazýshy Tólen Ábdik pen keıingi izin basqan qalamger inileri, shákirtteri men jýrnalıs­ter qatysty.

Týrnırdi L.Gýmılev atyn­daǵy Eýrazııa ulttyq ýnıver­sıtetiniń rektory Erlan Sy­dyqov ashty. Sonymen qatar ta­rıhshy-ǵalym Qoıshyǵara Sal­ǵarauly, jazýshy Tólen Ábdik estelik aıtty.

«Mundaı dástúr órkenıetti elderdiń bárinde bar. Olarda ǵylymı konferensııa nemese sporttyq jarys ótedi. Sondaı dástúr bizdiń aramyzǵa da kirip jatyr. Bul bir jaǵynan óte paıdaly. Urpaqtar sabaq­tas­tyǵy úzilmeýge tıis. Jas­tardy kórip jatyrmyz. Áń­gi­melesemiz, jón bilisemiz. Bul týrnırdiń ulttyq birlikke qosatyn úlesi de zor. Aq­seleý ómir boıy «Sosıalıstik Qa­zaqstan», «Lenınshil jas» ga­zetterinde istedi. Aqseleý shyn máninde jýrnalıst boldy. Tipti jýrnalıstigi basym boldy dep oılaımyn. Sondyqtan bul týrnırdi jýrnalıster kúni qar­sańynda áriptesteri arasynda ótkizý zańdy», deıdi Memlekettik syı­lyqtyń laýreaty, jazýshy Tólen Ábdik.

EUÝ jýrnalıstıka jáne saıa­sattaný fakýltetiniń dekany ári týrnırdi uıymdastyrýshy Qaırat Saqtyń aıtýynsha, ja­rysqa bas-aıaǵy alpysqa jýyq azamat qatysty.

«Bul týrnır alǵash 2009 jyly Aqseleý aǵamyzdyń bas­taýymen BAQ ókilderi arasynda uıymdastyryldy. Maqsaty – kásibı merekeniń qarsańynda jýrnalıstıkanyń qazanynda qaınap júrgen qalamgerlerdiń basyn qosý edi. Sóıtip, Aqań óziniń atynan týrnır jeńim­pazyna aqshalaı júlde tigip, dástúrli báıgeniń negizin qalaǵan. Al 2010 jyldan beri biz osy saıys­ty Aqańnyń atynan ótkizip kelemiz. Jyl saıyn bılıardqa qyzyǵýshylyq tanytyp, jarysqa qatysýǵa nıet bildirgen oıynshylar qatary artyp keledi», dedi Qaırat Saq.

Týrnır shartyna sáıkes qatysýshynyń jasy alpystan asqandar – «Aǵalar» toby, al alpysqa deıingiler orta býyn ókilderi men jastardan quralǵan oıynshylar «Jastar men jasa­mys­tar» toby bolyp baq synas­ty.

«Aǵalar» tobynan I oryndy ardager fotojýrnalıst Maqsut Erjanov, II oryndy belgili satırık-jýrnalıst Bazarbek Tú­kibaı, III oryndy ardager jýrnalıst Sádibek Túgel, IV oryndy aqyn, jýrnalıst Turmaǵambet Kenjebaev ıelendi. Al jas­tar men jasamystar arasynda bolǵan saıysta I oryndy «Habar» agenttiginiń qyzmetkeri Ahmetáli Saq, II oryndy «Aıqyn-Lıter» JShS dırektory, aqyn Talǵat Eshenuly, III oryndy «Qazaqstan» telearnasynyń rejısseri Asyl­han Manap, al IV oryndy árip­tesimiz «Egemen Qazaqstan» gazetiniń fototilshisi Erlan Omarov jeńip aldy.

Budan basqa «Eń sheber», «Eń mergen», «Eń shapshań», «Tehnı­kasy eń myqty tastaıaqshy» júl­de­gerleri anyqtalyp, ıelerin tapty. Tipti «Eshkimniń kóńilin jyqpaı, qarsylastaryna jol bergen» oıyn­shy da marapattaldy.