Astanada qoǵamdyq kólikterge arnalǵan taǵy bir arnaıy jolaq – Bus Lane engiziledi. Bul týraly 2024 jyldyń 26 maýsymynda «City Transportation Systems» JShS málimdedi, dep habarlaıdy Egemen.kz.
Málimetterge súıensek, Máńgilik el dańǵylynyń boıynda Uly dala dańǵylynan Kereı Jánibek handar kóshesine deıingi bóliktegi eki baǵytta Bus Lane jolaǵyn engizý josparlandy.
«Shamamen shilde aıynyń 10-yna qaraı. Ol týraly qosymsha habarlanady. Qoǵamdyq kólik úshin bólingen jolaqty engizýdi ázirleý kezinde joldyń júktemesi jáne kóshe-jol jelisiniń tehnıkalyq múmkindigi eskerildi», delingen habarlamada. Kompanııa qoǵamdyq kólikterge arnalǵan jolaqty engizýdi ázirleý kezinde jol keptelisi men jol jelisiniń tehnıkalyq múmkindigi eskerilgenin atap ótti. Búginde Máńgilik El dańǵyly qalanyń halyq tyǵyz ornalasqan aýdany. Dańǵyl boıymen 20 baǵyt júredi. Qalanyń bas dańǵylyndaǵy jolaýshylar tasymaly táýligine 88 myń adamdy quraıtyny belgili boldy.