Kúni keshe ǵana 2024-2026 jyldarǵa arnalǵan ǵylymı jáne ǵylymı-tehnıkalyq jobalar boıynsha jas ǵalymdardy granttyq qarjylandyrýǵa arnalǵan konkýrstyń, sondaı-aq «Jas ǵalym» jobasy boıynsha granttyq qarjylandyrýǵa arnalǵan konkýrstyń qorytyndysy belgili boldy.
Bul konkýrs jyl saıyn joǵary bilikti jáne básekege qabiletti zertteýshilerdi qalyptastyrý, ǵylymǵa daryndy jastardy tartý jáne jas zertteýshilerdiń úlesin arttyrý úshin ótedi.
Jas ǵalymdardy granttyq qarjylandyrýǵa arnalǵan konkýrs boıynsha barlyǵy 541 konkýrstyq ótinim usynylǵan. Onyń ishinde 260 ótinim shekti ball jınap, Ulttyq ǵylymı keńeste (UǴK) qaraldy. Nátıjesinde, jalpy somasy 8,78 mlrd teńgege 103 joba (ótken ǴTSJ sanynyń 40%-y) 2024–2026 jyldarǵa arnalǵan qarjylandyrýǵa maquldandy.
Al 2024–2026 jyldarǵa arnalǵan «Jas ǵalym» granttyq qarjylandyrý konkýrsy boıynsha 746 ótinim berilip, sonyń ishinde 571 ótinim ǴTSJ-qa jiberildi. Saraptama qorytyndysynda 343 ótinim shekti deńgeıge kóterilip, Ulttyq ǵylymı keńestiń qaraýyna jiberildi. Nátıjesinde, jalpy somasy 6,5 mlrd teńgege 225 joba (ótken ǴTSJ sanynyń 65%) postdoktoranttar úshin qarjylandyrylady.
Aıta keteıik, granttar ekologııa, qorshaǵan orta jáne tabıǵatty utymdy paıdalaný; energııa, ozyq materıaldar jáne kólik; ozyq óndiris, sıfrlyq jáne ǵaryshtyq tehnologııalar; eldiń zııatkerlik áleýeti; ómir jáne densaýlyq týraly ǵylym; agroónerkásiptik keshenniń turaqty damýy; ulttyq qaýipsizdik jáne qorǵanys, bıologııalyq qaýipsizdik sııaqty baǵyttar boıynsha bólindi.