Ishki ister mınıstriniń birinshi orynbasary Marat Qojaev Qonaev qalasynda bolǵan atysqa qatysty túsinikteme berdi, dep habarlaıdy Egemen.kz.
Áleýmettik jelilerde túnde qalada atys bolyp, saldarynan 21-24 jastaǵy jigitter jaraqat alǵany týraly aqparat tarap júr. Oqıǵa ornynda bir adam qaıtys bolǵany anyqtaldy.
Qojaevtyń aıtýynsha, búgin tańerteń eki azamat oq jaraqaty belgilerimen qalalyq aýrýhanaǵa jetkizilgen.
«О́kinishke qaraı, bir adam kóz jumdy, atysqa qatysqan barlyq azamat anyqtaldy, qazir olardy ustaý sharalary júrgizilip jatyr», dedi mınıstrdiń orynbasary.
Almaty oblysynyń polısııa departamenti bul faktige qatysty qylmystyq is qozǵalǵanyn habarlady.
«Kúdikke ilingen tulǵalardy ustaýǵa baǵyttalǵan keshendi sharalar júrgizilip jatyr. Tergeý amaldary oblystyq departament basshylyǵynyń erekshe baqylaýyna alyndy», dep túsindirdi PD baspasóz qyzmeti.
Jelidegi aqparattarǵa súıensek, 27 maýsymǵa qaraǵan túni Qonaev qalalyq kópsalaly aýrýhanasyna 2000 jyly týǵan er adam jetkizilgen. Oq jaraqatyn alǵan jábirlenýshige shuǵyl ota jasalǵan.
«Naýqas jansaqtaý bóliminde jatyr, jaǵdaıy óte aýyr», delingen oblystyq densaýlyq saqtaý basqarmasy taratqan habarlamada.