QYZYLORDA. 26 sáýir. Búgin Qyzylorda qalasy Qyzyljarma aýyldyq okrýgindegi №266 saılaý ýchaskesinde Qazaqstan Respýblıkasy Ulttyq ulany ońtústik óńirlik qolbasshylyǵy №5547 áskerı bóliminiń qyzmetkerleri daýys berdi. Bul týraly egemen.kz tilshisi habarlady.
Otan qorǵaýshylar atalǵan saılaý ýchaskesinde alǵashqylardyń biri bolyp óz tańdaýlaryn jasady. Áskerı bólimniń qyzmetkerleri saılaý ýchaskesi ashylǵan sátten-aq saılaýshy retinde belsendilik tanytyp, ózge de daýys berýshilerdi óz tańdaýlaryn jasaýǵa shaqyrdy.
Atalǵan bólimde 390 áskerı qyzmetker boryshyn óteýde. Daýys bergenderdiń biri – sarbaz Erlan Imanbaev. Jasy 20-da, Almaty qalasy Medeý aýdanynan áskerge shakyrylǵan.
«Otan aldyndaǵy boryshymdy ótep jatqanyma 4 aı boldy. Saılaýǵa katysyp, daýys bergenime qýanyshtymyn. Men elimniń bolashaǵy úshin daýys berdim», – deıdi ol.
Erjan Baıtiles.
Derek, sýret: egemen.kz.