Shetelden shaqyrtý aldy

Túrkistan «Bilim-ın­novasııa» lıseıiniń oqý­shysy bul jetistikke bir­den jet­pegen. 7-synypqa qadam basqaly, ol ózin túrli ba­ǵyt­tarda synǵa salyp, birneshe jetis­tikke qol jetkizgen.

«Joǵary synyptarda ıntellektýaldy jarystarǵa qyzyǵa bastadym. Olardyń ishinde shahmatqa erekshe nazarym aýdy. Nátıjesinde, oblystyq deńgeıde ótken túrli baıqaýlardan júldeli oryndardy ıelenip júrdim. Al 8-synypta IT salasyn meńgere bas­tadym. Respýblıkalyq deńgeıde ótken «Hackathon» atty saıystan altyn medaldy jeńip aldym. Osy is-sharadan alǵan tájirıbem «Qa­zaqstan bilim olımpıadasynan» bi­rinshi oryn alýyma sebepker boldy», deıdi zerek jigit.

Bul jetistikter men izdenister 11-synypqa kelgende óz nátıjesin berdi.

Joǵary oqý ornyna túsýdi maqsat tutqan ol eń áýeli aǵylshyn tilinen IELTS emtıhanyn tapsy­rady. Sodan soń talapker mamandy­ǵyna qatysty álemniń úzdik degen ýnıversıtetteriniń emtıhanynan ótip, qujattaryn usynady. Nátıjesinde, Islamnyń elektrondy poshtasyna 40-tan astam joǵary oqý ornynan shaqyrtý keledi. «Qazir AQSh-tyń Tehas shtatyndaǵy Hıýston qalasynda ornalasqan «North American University (NAU)» oqý ornyn tańdap otyrmyn. Bıznes-fınans mamandyǵyn meńgersem deımin», deıdi ol.

Shetelde bilim alyp, keıin Otanyna úlken tájirıbemen, bilim azyǵymen oralyp, paıda ákelý­ge jeteleıtin bul múmkindik Islam­nyń bes jyldyq eńbek pen izgi nıe­tiniń jemisi syńaıly. Sheteldik shaqyr­týlardan rekord ornatqan jas jet­kinshekke biz de aq jol ti­leı­miz!