Batyr beınesi

Batyrdyń ata tegi jóninde óńirge belgili sheji­reshi, aqyn Qımadıden Ny­ǵy­manuly «Aqtilestiń aýyz­eki shejiresi» óleńinde bylaı dep jyrlaǵan edi:

«...Súıindik aqyldy ata bolǵan yrys.Jaqsybaı abyz shyqqan osy atadan,Ornatqan Alashqa aıal, elge tynys.Jaqsybaı Quttyqadam bel balasy,Qazaqtyń sózin uqqan han, qarasy.Dúısenbi, Qýat degen eki uly,Tý tikken bostandyqqa bop talasy.Abyzdyń Mútken eken nemeresi,Jazbaǵan batyrlyqtan el úlesi.Uly Otan soǵysynda erlik etken,Serikbaı batyr ótken shóberesi...»

Bıyl Keńes Odaǵynyń batyry Serikbaı Mútken­uly­nyń mert bolǵa­nyna 80 jyl tolady eken. Ekinshi dúnıe­­­júzilik soǵys jyldary Ýkraına jerinde erlik­pen qaza tapqan batyr babamyzdyń júrip ótken jolyn bú­gingi urpaq esh umytpaq emes. Qaharmannyń rý­­hyna biz qalaı taǵzym etsek, Ýkraına eli de dál so­laı­­ qadirleıdi.

Búginde Serikbaı Mútkenulyna qatys­ty jınaq­tal­­ǵan muralar qatarynda ba­tyrdyń kóp jerde ta­ral­­­­ǵan, erterekte restavrasııalanǵan jalǵyz sýreti, ba­­­­tyr ataǵyn alǵandyǵy jónindegi arhıv­tik qu­jat­­tary, gazet-jýrnaldarǵa jarııa­lan­ǵan maqa­la­lary men estelikteri, batyrǵa tıesili jádi­ger­ler mý­zeı qo­rynda biraz jyldan beri saqtalyp kele­di. De­genmen batyrdyń artynda qalǵan jádi­gerleri men ta­rıhı murasy tolyq jınaqtaldy deı almasaq kerek. Arhıv qoı­naýyn, qujattardy indeter bolsaq, áli talaı jádigerge kezigemiz dep nyq senim­men aıta alamyz.

Sonyń bir aıǵaǵy retinde Serikbaı Mútkenulynyń kóp jerde taralǵan jalǵyz sýretinen bólek, taǵy bir jarqyn beınesi beınelengen tarıhı qundy qujatty kópshilik nazaryna usynǵandy jón kórdik. Sýret G.N.Potanın atyndaǵy Pavlodar oblystyq tarıhı-ólketaný mýzeıi basshylyǵynyń ruqsatymen arhıvtik qor bóliminen alynyp, baspasóz betinde tuńǵysh ret jarııalanyp otyr.

Abzal RYMBEK,Buqar jyraý atyndaǵy ádebıet jáne óner mýzeıiniń qyzmetkeri

Pavlodar oblysy