Úsh kvota bóldi

Kvotanyń biri byltyr ót­ken álem chempıo­natynda para jeńil atletıkadan qola medal oljalaǵan Dastan Muqashbekovke buıyrdy. Eki joldama ulttyq quramadaǵy áıel jáne er adamǵa beriledi.

«Jattyqtyrýshylar shtaby men Dene múm­kindikteri shekteýli tulǵalarǵa arnalǵan sporttyq daıarlyq ortalyǵy qyzmetkerleriniń she­shimimen qalǵan eki kvota kimge berile­tindigi naqtylanady. Tańdaý kezinde sportshylardyń álemdik reıtıngtegi kórsetkishi, olardyń sońǵy jetistikteri men qazirgi daıyndyǵy eskeriletin bolady», dedi Dene múmkindikteri shekteýli tulǵalarǵa arnalǵan sport­tyq daıarlyq ortalyǵyna qarasty komanda jetekshisi Máý­len Násipqalı.

Búginge deıin Qazaqstannyń sportshylary Parıj jazǵy Paralımpıada oıyndarynda sporttyń 8 túrinen 16 lısenzııa ıelendi. Olardyń ishinde: para paýerlıftıng – 1, para jeńil atle­tıka – 3, para júzý – 4, vo­leı­boldy otyryp oınaý –1, para ústel tennısi –1, para taekvondo – 3, para kanoe –2, para oq atýdan 1 joldama bar.

28 tamyz men 8 qyrkúıek ara­lyǵynda ótetin alamanda qaty­sý­shylar 23 sport túrinen 549 me­dal jıyntyǵy úshin dodaǵa túsedi.