Abaı atyndaǵy Qazaq ulttyq pedagogıkalyq ýnıversıtetinde túrki halqynyń uly aqyny, memleket qaıratkeri Álisher Naýaı atyndaǵy ortalyq ashyldy. Eki el arasyndaǵy ǵylym men bilim salasyndaǵy yntymaqtastyqty nyǵaıtýǵa baǵyttalǵan ıgi shara «Naýaı men Abaı: jalpyadamzattyq qundylyqtar sabaqtastyǵy» halyqaralyq forýmymen jalǵasyn tapty, dep habarlaıdy Egemen.kz.
Is-sharaǵa О́zbekstan elshiliginiń, Bas konsýldyǵynyń, Á.Naýaı atyndaǵy Tashkent memlekettik ózbek tili men ádebıeti ýnıversıtetiniń, Á.Naýaı atyndaǵy Naýaı memlekettik pedagogıkalyq ınstıtýtynyń, Shyrshyq memlekettik pedagogıkalyq ýnıversıtetiniń, Sh.Rashıdov atyndaǵy Samarqand memlekettik ýnıversıtetiniń, Almaty qalasyndaǵy О́zbek ulttyq-mádenı ortalyǵy qoǵamdyq birlestiginiń ókilderi, sondaı-aq joǵary oqý oryndarynyń ǵalymdary qatysty.
Forýmnyń ashylýynda sóz sóılegen Abaı atyndaǵy QazUPÝ rektory Bolat Tilep Qazaqstan men О́zbekstan arasyndaǵy yntymaqtastyqty damytýdyń mańyzdylyǵyna toqtalyp, bul bastama eki el arasyndaǵy ǵylymı jáne akademııalyq qoǵamdastyqtyń ary qaraı ilgerileýine tyń serpin beretinin atap ótti. «Baýyrlas elderimizdiń yntymaqtastyǵy ózara syılastyq, dostyq jáne tatý kórshilikpen ushtasyp jatyr. Abaı men Naýaıdyń qurmetine uıymdastyrylǵan forým sonyń aıǵaǵy. Bizdiń ortaq maqsatymyz – rýhanı jáne mádenı qundylyqtar sabaqtastyǵyn damytý, sondaı-aq eki eldiń joǵary bilim men ǵylym salasyn jańǵyrtý», dedi rektor.
Qazirgi qoǵam damýynyń rýhanı, tarıhı jáne fılosofııalyq negizderin nasıhattaý, uly oıshyldardyń ıdeıalaryn zertteýge baǵyttalǵan forýmda О́zbekstannyń Almatydaǵy Bas konsýly Abdýrahım Kaıýmov memleketter dsotyǵynyń arqasynda Naýaı men Abaı shyǵarmalarynda kórinis tapqan ortaq mádenı mura, uly oıshyldardyń adamzattyq qundylyqtarǵa negizdelgen rýhanı qazynasyn saqtaý men zertteý isiniń jalǵasyn taba beretindigin atap ótti.
«Bul is-shara Qazaqstan men О́zbekstan arasyndaǵy bilim berý yntymaqtastyǵyn damytýdaǵy mańyzdy qadam bolyp tabylady. Búginde bilim almasýdy nyǵaıtýda úzdiksiz jumystar júrgizilip jatyr. Sonyń biri – Abaı ýnıversıtetinde uly aqyn Naýaı ortalyǵyn ashý bolyp otyr. Jaqyn arada Sh.Rashıdov atyndaǵy Samarqand memlekettik ýnıversıteti Ortalyq Azııa memleketteri men mádenıeti ınstıtýtynyń janynan Abaı ortalyǵyn, qazaq tili men ádebıeti bólimin ashý josparlanyp otyr», dep atap ótti óz sózinde Qazaqstannyń О́zbekstandaǵy tótenshe jáne ókiletti elshiniń keńesshisi Erǵalı Qystaýbaev.
Forýmda eki eldiń mádenı murasy men rýhanı damýynyń mańyzdy salalary talqylanyp, Naýaı men Abaı shyǵarmashylyǵynyń álemdik mádenıettegi ádebı-kórkemdik baǵyttardyń damýyna yqpaly, ózektiligi talqylandy. Abaı ýnıversıtetiniń bul ıgi bastamasy aldaǵy ýaqytta eki el arasyndaǵy bilim men ǵylym salasyndaǵy baılanystary nyǵaıtýǵa yqpal etetin bolady. Rýhanı baılanys О́zbekstan ýnıversıtetteri ǵalymdarymen birlesip jumys isteýge, jańa ǵylymı baǵyttardy qurýǵa baǵyttalyp otyr. Joǵary oqý oryndarynyń kóshbasshylyǵy men básekege qabilettiligin kúsheıtetin zerthanalar men halyqaralyq ǵylymı mektepter qurý josparlanýda. Mamandardy daıarlaýdyń túrli baǵyttary boıynsha birlesken dıssertasııalyq keńester ashý, qos dıplomdy bilim berý baǵdarlamalaryn ázirleý men akademııalyq utqyrlyqty keńeıtý de josparlanyp otyr.
Forým «Álisher Naýaı murasy: ǵylym, bilim jáne tárbıe sınergııasy» taqyrybynda halyqaralyq ǵylymı-ádistemelik semınarmen jalǵasyn taýyp, «Naýaı oqýlary: «Naýaı – álem tilderinde» mánerlep oqý konkýrsy, oqytýshylar men stýdentter arasyndaǵy Naýaı shyǵarmashylyǵyna arnalǵan plener ótip, qatysýshylar Almaty qalasyndaǵy stýdent jastardyń shyǵarmashylyǵymen tanysty.
ALMATY