Qazaqstandyq 15 jasar shahmatshy qyz Jansaıa Ábdimálik Chehııada áıelder arasynda ótken halyqaralyq «Praga Oýpen» týrnırinde birinshi oryndy jeńip aldy.
Ol 9 týrda 6 upaı jınap, aldyna jan salmady. Al er kisiler arasyndaǵy saıysta ýkraın grossmeısteri Oleksandar Nosenko 8 upaımen top bastady. Jarysqa barlyǵy 209 shahmatshy qatysty.
«Jansaıa Chehııadaǵy týrnırde jeńiske jetýi nátıjesinde óz reıtıngisin taǵy 10 satyǵa kóterdi, – dedi shahmatshy qyzdyń ákesi Danııar Áshirov. – Bálkı, bul tym kóp te emes shyǵar, biraq osynyń ózi ósýdi kórsetedi».
Danııar Áshirov budan bólek, qyzynyń aldaǵy josparlary týraly da aıtty. Onyń baıandaýynsha, Jansaıa Ábdimálik qańtardyń aıaǵynda Fransııada ótetin «Kapella lıa-Grande» týrnırine qatysady, sodan keıin artynsha Islandııadaǵy «Reıkıavık Oýpen» jarysyna barady. Qatysýshylary jaǵynan bulardyń sońǵysy óte kúshti týrnır bolǵaly tur.
Damır QOJAMQUL.