Mine, ekinshi aıǵa aınalyp barady, alpys aılaly qý túlki tańerteńgilik mezgilde «SevKazEnergo» AQ-qa kelý daǵdysynan birde-bir jańylǵan emes. Mekeme qyzmetkerleri ony úılerinen ákelgen jyly-jumsaqpen tamaqtandyryp, ábden qolǵa úıretip alǵan syńaıly.
– Bastapqyda túlki ekenin ańǵarǵan joqpyz. Qańǵybas ıtterdiń biri shyǵar dep joramaldadyq. Eki kózi móldiregen súp-súıkimdi túz taǵysy arnaıy orynǵa qoıylǵan tamaqqa jaqyndaýdan úrkektep, kópke deıin boıyn aýlaq salyp júrdi. Keıin adamdardyń ózine jamandyq oılamaıtynyn sezdi bilemin, birte-birte úırenise bastady. Jaqynnan sýretke túsirip alý múmkindigine de ıe boldyq, – deıdi baspasóz ortalyǵynda jumys isteıtin Igor Tatarchenko.
Keıbireýler «shaqyrylmaǵan qonaqtyń» bul «qydyrysyn» mekemeniń qalyń ormanǵa taqaý ornalasýymen baılanystyrsa, ekinshileriniń pikirleri qarny ashqannan keıin eldi mekenderdi jaǵalaǵan bolý kerek degenge sıaady. Byltyr qytymyr qystyń qysymyna shydaı almaǵan elikter men tıinder de osynda «qystap» shyǵypty.
Tabıǵat qorǵaý salasynyń mamandary jyl ótken saıyn túlki sekildi túz ańdarynyń kóbeıip kele jatqanyn jetkizdi. Máselen, Smırnov qoryǵynda 2013 jyly bar-joǵy 36 túlki bolsa, byltyr 268-di qurapty.
О́mir ESQALI,
«Egemen Qazaqstan».
Soltústik Qazaqstan oblysy.
Sýretti túsirgen
Igor TATARChENKO.