Qazaly aýdanynyń ortalyǵy Áıteke bı kentinde bıyl kóktemde «Jankent Agro» kúrish óńdeý zaýyty iske qosyldy. Quny jarty mlrd teńgeden asatyn jobanyń 155,2 mln teńgesi «Agrarlyq nesıe korporasııasy» AQ tarapynan bólinse, qalǵanyna seriktestik óz qarajatyn jumsapty. Qazir munda 10 adam turaqty jumyspen qamtylyp, zaýyt jylyna 5 myń tonna kúrish óńdeıdi. Seriktestik dırektory Ánýar Abyhanovtyń aıtýynsha, ónim ózimizden bólek Reseı, Ýkraına, О́zbekstan elderine eksporttalyp jatyr.
Aýdanda kásipker, kópbalaly ana Venera Taılaqbaeva qurǵan «Azııa Qamys» atty mekeme de bar. Seriktestik qamystan ekologııalyq qurylys materıaldaryn daıyndaýǵa arnalǵan shıkizat óńdep, Shvesııa, Fınlıandııa, Norvegııa, Germanııa, Nıderland memleketterine jóneltip otyr. Kásiporynda turaqty – 10, qamys alqaptarynda 100-ge jýyq adam jumyspen qamtylǵan.
Qazalydaǵy «Selhozenergo» JShS-da tabysty kásiporyndar sanatynda. Uzaq ýaqyttan beri elektromontaj jumysymen aınalysyp kele jatqan óndiris orny búginde vıbropress qurylǵysy arqyly jaıaý júrginshiler jolyna arnalǵan bordıýrlar shyǵaryp otyr. Seriktestik dırektory Beıbit Qazyǵulov ónimderi aýdandaǵy jol qurylysy jumystarynda keńinen paıdalanylyp otyrǵanyn aıtady.
Qyzylorda oblysy,Qazaly aýdany