Jaqynda, Astana qalasy bilim basqarmasynyń bastyǵy Ásıma Bımendına ulttyq biryńǵaı testileý qorytyndysy boıynsha Astana qalasy mektep bitirýshileriniń qol jetkizgen nátıjelerine arnalǵan baspasóz máslıhatyn ótkizdi.
Astana qalasy bilim basqarmasy bastyǵynyń aıtýynsha, elordamyzdyń túlekteri alǵashqy suryptaý qorytyndylary boıynsha 1-orynǵa ıe boldy. Astana qalasy mektepteriniń bıylǵy UBT-ny tapsyrǵan 3444 oqýshysynyń ortasha bally 97,43 paıyzdy qurady. Al respýblıka boıynsha bul kórsetkish 84,84 paıyz boldy. Osyǵan qosa, Astana qalasynyń “úzdik” ondyqqa engen mektepterdiń tizimi jáne ortasha bally aıtyldy: daryndy balalarǵa arnalǵan “Zerde” mektebi – 113 ball, №38 mektep-lıseı – 101,9 ball, “Mıras” halyqaralyq mektebi – 101,5 ball ıelendi, sonymen birge, №50, №60, №6, №48, №17 mektep-lıseıleri úzdikterdiń qataryna kirdi. “Altyn belgiden” úmitker 133 oqýshynyń 90-y óz bilimderin dáleldep shyqsa, 102 túlektiń 39-y ǵana úzdik attestatty enshiledi. Astana qalasynda eń joǵary kórsetkish – 125 ballǵa №40 orta mektep túlegi Saǵyndyq Ǵızat ıe boldy.
Konferensııada apellıasııalyq komıssııanyń atqarǵan jumysyna, oǵan qosa bir jyl boıy daıyndalǵan UBT suraqtaryna syn aıtyldy. Ásıma Bımendına mektep psıhologtarynyń óz jumystaryn jaqsy jaǵynan kórsetkenin málimdep, alǵysyn bildirdi.
Shyńǵys MYRZAHMET, L.N.Gýmılev atyndaǵy Eýrazııa ulttyq ýnıversıtetiniń stýdenti.