«Bizge ózge ǵalamsharlyqtar kelipti!» deıtin sózdi siz Italııanyń Perýdje qalasyna barǵanda aıta alasyz.
Sebebi mundaǵy alyp kitaphananyń ereksheligi ózge ǵalamsharlyqtardyń kóligine sáıkestendirilip jasalǵan. Italııa aqyny Sandro Penna atyndaǵy kitaphana 2004 jyldyń mamyr aıynda ashylǵan edi. Rımnen 200 shaqyrym jerde ornalasqan bul ǵımarat Italııaǵa tanys ejelgi jáne ortaǵasyrlyq sáýlet ónerinen aıqyn erekshelenedi. Sáýletshi Italo Rotanyń bul jobasy búginde qanshama kitapqumar men talaı týrıstiń súıikti ornyna aınalǵan.