Saqshylarǵa 200 kólik berildi

Kólikterdiń basym bóligi pat­rýl­dik polı­sııaǵa beriledi. Tas­jolda qyzmet ete­tin tártip saqshylary jol talǵamaıtyn kó­lik­ter aldy. О́ńir basshysy qoǵamdy tár­tip­ke qyraǵylyq tanytatyn quqyq qor­ǵaý or­gan­daryna qoldaý jalǵasatynyn jet­kizdi.

– Sizderdiń qyzmetterińiz jedel jáne jaıly bolýy úshin qolymyzdan kelgenniń bárin jasaýǵa daıynbyz. Sondyqtan quqyq qorǵaý organdarynyń tıimdi jumysynda materıaldyq-tehnıkalyq bazany nyǵaıtý erekshe mańyzdy. Bıyl quqyq qorǵaý organ­darynyń qajettilikterine oblystyq bıýd­jetten 22,8 mlrd teńge bólindi, onyń ishin­de bir mıllıardtan astamy mate­rıal­dyq-tehnıkalyq jabdyqty jaqsartýǵa ba­ǵyt­talady, – dedi oblys ákimi Ermaǵanbet Qab­dýlauly.

О́z kezeginde oblystyń polısııa depar­tamentiniń basshysy Nyǵmet Ismaǵulov úlken qoldaýǵa alǵysyn bildirdi.– Materıaldyq-tehnıkalyq bazany jańartý oblystaǵy jedel jaǵdaıdy jaq­sar­týmen tikeleı baılanysty. О́ńirdegi jaǵ­daı turaqty, qylmystyń aldyn alý boıynsha aýqymdy jumystar júrgizilip jatyr. Qoǵamdyq tártipti saqtaý, turǵyn­dar­­dyń qaýipsizdigin qamtamasyz etý úshin a­l­da da qolymyzdan kelgenniń bárin jasaı­m­yz, – dedi polısııa departamentiniń basshysy.

Avtopark jyl saıyn jańaryp otyrady. Polısııa departamenti basshysynyń orynbasary Nurıddın Daýylbaev qyzmettik kólik qajettiligi 85 paıyzǵa qamtamasyz etilgenin aıtady. 100 arnaıy kólik qalada jáne trassada qyzmet etetin patrýldik polısııaǵa berildi. Endi jańa kólikterdiń arqasynda qysta qar qursaýynda qalyp qoıǵan adamdardy qutqarý jumystary jeńildeıdi. Al jańa mıkroavtobýstar tergeý-jedel toptyń oqıǵa ornyna shyǵýy úshin kezekshi bólimderge berildi. Ol óz keze­ginde mobıldilikti arttyrady. Kólik­tiń bar­lyǵy derlik standarttarǵa saı, baı­la­­nys jáne beıne qurylǵylarmen, bas­­qa da qajetti qural-jabdyqtarmen jab­dyq­talǵan.

Saltanatty is-shara sońynda polısııa qyzmet­kerleri marapattaldy. Qala jáne aýdan­dardyń ýchaskelik polıseılerine oblys ákiminiń Qurmet gramotalary tapsyryldy.

Qaraǵandy oblysy