ShYMKENT. 26 sáýir. Shymkentte sáýirdiń 25-inen 26-na aýǵan túnde aýa raıy kúrt buzylyp, shelektep jańbyr jaýdy. Soǵan qaramastan, saılaý ýchaskelerine kelip, daýys berip jatqan azamattardyń qatary qalyń. Bul týraly egemen.kz tilshisi habarlady.
№5 qalalyq saılaý ýchaskesiniń tóraǵasy Arman Qoıshıev tańerteńgi saǵat jetiden bastap eń aldymen egde kisilerdiń kelgenin aıtty. Jastar jaǵynyń saǵat 10:00-ge taıaǵanda belsendilikteri artypty. Alǵashqy tórt-bes saǵatta 300-ge jýyq saılaýshy tańdaýyn jasaǵan. Sheteldik baqylaýshylar ázirge bul ýchaskege kelmegen eken. Shaǵym máselesine kelsek, eki azamat tizimnen aty-jónin taba almaı renish bildirgen. Arman Qoıshıev bul másele qazir jeńil sheshilip jatqanyn aıtty.
Internet arqyly halyqqa qyzmet kórsetý ortalyǵyna tizimde joq azamattardyń aty-jónin jiberse, qaı ýchaskede tirkeýli ekendigin 2-3 mınýtta anyqtap beredi.
Partııa tarapynan kelgen baqylaýshylarmen sóılestik. Olar da saılaýdyń zańdy ótip jatqanyn aıtady.
Shymkent qalalyq saılaý komıssııasynyń tóraǵasy Erlan Bekturǵanov saǵat onǵa deıin 39 myń 617 saılaýshynyń daýys bergenin aıtty. Qaladaǵy 222 saılaý ýchaskesi halyqqa qyzmet etýde. Onyń 20-sy jabyq saılaý ýchaskeleri bolyp sanalady. Ol jerlerde aýrýhanalar, eki áskerı bólim, qarttar úıi jáne tergeý ızolıatorynda isi sotqa jetpegen azamattar daýys beredi. Al múgedek jandarǵa saǵat 12:00-ge deıin arnaıy bólingen azamattar saılaý jáshigin aparady.
Eýropa qaýipsizdik jáne yntymaqtastyq uıymy (EQYU) tarapynan kelgen baqylaýshylar saılaý ýchaskelerinde zańdylyqtyń saqtalýyn baqylaýda. 29 naýryzdan 1 mamyrǵa deıin uzaq merzimge kelgen Danııa jáne Shveısarııa baqylaýshylaryn óz jumystarynan bólek, bizdegi saılaý júıesi qyzyqtyrady eken. Máselen, Shveısarııada saılaýshy daýysty poshta arqyly da bere alady.
Sheteldik baqylaýshylardan ázirge shaǵym joq. Olar saılaýdyń qalypty ótip jatqanyn aıtty.
Baqtııar Taıjan.
Derek, sýret: egemen.kz.