Almatyda dzıýdo sportynan tóreshiler men jattyqtyrýshylardyń biliktiligin arttyrý maqsatynda semınar ótti. Kárken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjindegi semınar úsh kúnge ulasty.
Halyqaralyq dzıýdo federasııasynyń (IJF) referı dırektory laýazymyn atqaratyn Chjon Kı En, Armen Bagdasarov, Azııa dzıýdo odaǵynyń tóraǵasy, Qazaqstan dzıýdo federasııasynyń bas hatshysy Ashat Jitkeev jetekshilik etip, tájirıbesin bólisken semınarǵa Astana, Almaty, Shymkent qalasynan jáne 17 oblystan júzge tarta tóreshi men jattyqtyrýshy qatysty. Kásibı biliktilikti shyńdaǵan ıgi shara sońynda tóreshiler «IJF Continental», «IJF International» sanaty boıynsha teorııalyq emtıhan tapsyrdy.
Almatyda Beket Mahmutovty eske alýǵa arnalǵan Azııa kýbogi bastaldy. Jasópirimder men jastar arasynda ótetin dzıýdo dodasyna bizdiń balýandarmen qosa Qyrǵyzstan, Tájikstan, О́zbekstan, Iran, Mońǵolııa, Shrı-Lanka, Germanııa, Moldova, AQSh-tan da sportshylar qatysyp jatyr. Azııa kýboginiń chempıony men júldegerlerine reıtıngtik upaı jazylady. Osy baıraqty dodada semınarǵa qatysqan tóreshiler tájirıbe jınaý úshin qazylyq etedi.