Kádimgi ózimiz kúnde jazyp júrgen sharıkti qalamsaptyń qurylysy kúrdeli emes. Biraq onyń qalaı, qashan shyqqanyna mán bermeımiz. Qalamsaptyń bul túri alǵash ret 1931 jyly Býdapeshttegi halyqaralyq jármeńkede tanystyrylǵan.
Atalǵan ónertabystyń avtorlary – aǵaıyndy Bırolar. Olardyń biri – jýrnalıst, ekinshisi hımık. Ekinshi dúnıejúzilik soǵys bastalǵanda aǵaıyndy Bırolar Argentınaǵa qonys aýdarady da, 1942 jyly sonda sharıkti qalamsapty óndiristik negizde shyǵarýdy bastaıdy. Árıne, alǵashqyda sııa quıyp jasalǵan qalamsaptar sapasyzdaý boldy. Biraq 1945 jyly Bıro patentin Marsel Bık satyp alǵan soń, jańa qalamsap dúnıe júzine keńinen taraıdy.