О́NERKÁSIP О́NDIRISI О́RISTEP KELEDI

Keshe Indýstrııa jáne jańa tehnologııalar vıse-mınıstri Nurmuhambet Ábdibekov mınıstrliktiń sońǵy 5 aıdaǵy  kórsetkishteri týraly jýrnalısterge suhbat berdi. Vıse-mınıstrdiń aıtýynsha, sońǵy 5 aı qorytyndysy máshıne jasaý ónerkásibinde birshama alǵa jyljý bolǵandyǵyn kórsetip otyr eken. Búginde mınıstrlik 6 salalyq baǵdarlama daıyn­daý ústinde. Atap aıtsaq, taý-ken, máshıne jasaý, far­masevtıka, jeńil jáne hımııa ónerkásipteri, son­daı-aq qurylys salasy. Bul baǵdarlamalar is júzinde daıyn. Olardy birneshe ret arnaıy shaqyrylǵan sala mamandary men qoǵamdyq uıym ókilderiniń nazaryna usyndyq. Barlyq aımaq­tar­da baǵdarlamalardyń tanys­ty­rylymy ótti. Al qazir olar memlekettik organ­dar­men kelisilý kezeńinde, dep atap ótti Nurmuhambet Ábdibekov. Salalyq baǵdarlama­lar­dyń júzege asý tetigi men júk­telip otyrǵan mindet údemeli ındýstrııalyq-ın­no­vasııalyq damý baǵdarla­ma­synda kórsetilgen mindet­ter­den týyndap otyr. Jos­parlanǵan kestege sáıkes, 6 salalyq baǵdarlama 15 shil­de­ge deıin Úkimet qaýly­symen bekitiletin bolady. Sońǵy 5 aı ishinde Qa­zaq­stannyń óndiris kólemi 11,9 paıyzǵa ósti.  Bir erek­she­ligi, 5 aıdyń ishinde árbir oblys óz kórsetkishterin jaq­sartyp, joǵarylatý ús­tin­de eken. Tipti keıbir je­ke­legen oblystar­daǵy ósý kórsetkishi 30 paıyz­ǵa jetip otyr. Munyń sebebin birin­shiden, daǵdarys salqy­ny­nyń qaıtýymen sıpattasaq, ekinshiden, jańa óndiris oryn­darynyń iske qosylýy­men túsindirýge bolady. Jyl basynan beri oblystardan kelip túsken aqparattar boıynsha 13-ten astam óndiris orny iske qosylyp, halyqqa qyzmet etýde. Mysaly,  Elbasy Kókshetaýǵa arnaıy baryp, ózi ashqan ken baıytý ornyn atap kórsetýge bolady. Al máshıne jasaý salasy boıynsha 171 paıyz ósimge qol jetip otyr. Indýstrııa jáne jańa tehnologııalar vıse-mınıs­tri N.Ábdibekovtiń aıtýyn­sha, kıim tigý salasynda ón­di­ris kólemi ótken jyldarǵa qaraǵanda birshama tómende­gen, sol sebepti ońtústikte je­ńil ónerkásip salasy boıynsha 3 iri  kásiporyn ashylmaq. Al óndiris kólemi­niń artýy boıynsha tizimniń kósh basynda máshıne jasaý óndirisi tur. Ol 171 paıyzdy qurap otyr. Venera TÚGELBAI.