Búgin Arys qalasyndaǵy áskerı bólim aýmaǵynda káriz júıesine qyzmet kórsetý men tazalaý jumystaryn júrgizý kezinde káriz gazymen ýlaný saldarynan úsh adam qaza tapty. Bul týraly Qorǵanys mınıstrligi habarlady, dep jazady Egemen.kz.
Qaza tapqandardyń ishinde eki azamattyq tulǵa jáne bir kelisimshart boıynsha áskerı qyzmetshi bar.
Qaıǵyly oqıǵa jumys barysynda abaısyzda qudyqqa qulap ketken Shymkent aýdandyq paıdalaný bóliminiń jumysshysyn qutqarý kezinde boldy. Oǵan kómekke kelgen taǵy eki jumysshy men kelisimshart boıynsha eki áskerı qyzmetshi de jaǵdaıdyń nasharlaýyna baılanysty joǵary jaqqa kóterilip shyǵa almady. Nátıjesinde úsh adam sol jerde qaza tapty. Taǵy bir jumysshy men áskerı qyzetshi Arys qalasynyń aýrýhanasyna jetkizildi. Qazirgi tańda olardyń jaǵdaıy turaqty-aýyr dep baǵalanyp otyr.Qorǵanys mınıstrliginiń basshylyǵy men Qarýly kúshterdiń jeke quramy qaza tapqandardyń otbasylaryna barlyq qajetti kómek kórsetiletinin málimdedi.«Atalǵan fakti boıynsha QR IIM ÁTB Shymkent bólimimen QR QK 156-baby 4-bóligi boıynsha sotqa deıingi tergep-tekserý bastaldy (eńbekti qorǵaý erejelerin buzý)», delingen mınıstrlik habarlamasynda.