Májilis depýtaty, Jalpyulttyq sosıal-demokratııalyq partııasy fraksııasynyń jetekshisi Ashat Rahymjanov Pavlodar oblysyna jumys sapary barysynda oblystyń órt sóndirý bólimsheleri men jedel-qutqarý jasaǵyna bardy, dep jazady Egemen.kz.
Pavlodar oblysy Tótenshe jaǵdaılar departamenti bastyǵynyń mindetin atqarýshy azamattyq qorǵaý polkovnıgi Qaırat Shaımardenov jyl basynan beri departament bólimsheleri avarııalyq-qutqarý jáne shuǵyl jumystar boıynsha 1,6 myńnan astam shaqyrtýǵa barǵanyn baıandady. Nátıjesinde 101 adam qutqarylyp, 173 adam evakýasııalanǵan. Tórt zardap shekken azamatqa dárigerge deıingi medısınalyq kómek kórsetilgen.
«Bıyl «Ertis ormany» memlekettik tabıǵı orman rezervaty ormandardaǵy órtterdi erte anyqtaý jáne aldyn alý úshin sıfrlyq júıeni ornatty. Orman órtterin erte anyqtaý júıesine arnalǵan 23 munara qondyryldy biraq bul qutqarý qyzmetin kúsheıtýge jetkiliksiz», dedi Qaırat Shaımardenov.
Depýtatpen kezdesýde órt sóndirýshiler men qutqarýshylar sheshimin talap etetin birqatar túıtkildi máseleni aıtty. Onyń ishinde barlyq bólimshede kúrdeli jóndeý jumystaryn júrgizý, oblystyq basqarmaǵa qajetti qosymsha qondyrǵylardy salýǵa qarajattyń joqtyǵy syndy máseleler kóterildi. Qosymsha tehnıkalyq qural-jabdyqtar da qajet ekeni aıtyldy.
О́rt sóndirýshilerdiń áleýmettik qaýipsizdigi de nazarǵa alyndy. Ishki ister mınıstrligi, Qorǵanys mınıstrligi jáne basqa qurylymdardyń áskerı qyzmetshilerine qaraǵanda órt sóndirýshilerge turǵyn úı tólemderi, shıpajaılyq-kýrorttyq emdelý, balabaqshalar men mektepterde jeńildikter qarastyrylmaǵan. Sonymen qatar Tótenshe jaǵdaılar mınıstrligine órt sóndirý kóligi júrgizýshilerin qabyldaý tártibi kúrdelengen. О́ıtkeni olar Ishki ister mınıstrliginiń standarttary boıynsha Polısııa departamentiniń emhanasynda áskerı-dárigerlik komıssııalardan ótedi.
Oqıǵa ornyna jedel jetýge kedergi keltiretin jol jabynynyń sapasyzdyǵy, dalalyq aımaqta baılanystyń joqtyǵy da jumysty jedel isteýge kedergi keltiredi. Qutqarýshylardyń aıtýynsha, olar tájirıbeden ótken spýtnıktik baılanysty paıdalaný árqashan jeńil ári yńǵaıly bola bermeıdi.
Ashat Rahymjanov qutqarýshylardyń tıimdi jumysynyń mańyzdylyǵyna toqtalyp, qaýip-qaterge tap bolǵan el azamattarynyń ómiri olardyń qyzmetine tikeleı baılanysty ekenin atap ótti. Sondaı-aq kóterilgen máselelerdi óz baqylaýyna alatynyn da tilge tıek etti.