Zardap shekken ár otbasy baspanaly bolady

Apattan zardap shekken Jan­gel­dın aýdanynyń otbasylary jalǵyz baspanalarynan aıyryl­dy. Prezıdent tapsyrmasymen árbir muqtaj otbasyna memleketten jańa baspana beriledi. Atap aıtqanda, Taýysh aýylynda – 22, al Kólqamys aýylynda 19 úı salynyp jatyr. Baspanalar Qostanaı oblysy ákimdigi men «Qazaqstan halqyna» qoǵamdyq qory arasynda jasalǵan memorandým aıasynda tıptik jobamen salynady. Ár úıdiń jalpy aýdany 80 sharshy metr, quny shamamen 30 mıllıon teńgeni quraıdy.

Aıta ketý kerek, partııa tabıǵı apattyń alǵashqy kúninen bastap zardap shekkenderge naqty kómek kórsetý jumystaryn shuǵyl bas­tady. Bul gýmanıtarlyq kómekti jınaý, «Jastar rýhy» eriktilerin jumyldyrý, jaǵalaýlardy qum salynǵan qaptarmen nyǵaıtý, sý tasqynyna qarsy bógetter salý, taǵy basqa jumystar.

– Sý tasqyny kezinde biz tur­ǵyndarmen kezdeskende olar­dyń kóbi jataqhanalar men basqa eva­kýasııalyq pýnktterge ornalasty­rylǵan edi. Qazir jaǵdaı jaqsaryp keledi, zardap shekkender baspanalaryn alyp jatyr. Kólqamysta 19 otbasy osy jazdyń 1 tamyzynda jańa úılerine qonystanady. Qosymsha 10 sottyq jer de beriledi. Jalpy, Qostanaı oblysynda sý tasqynynan zardap shekkender úshin qurylys jáne turǵyn úı satyp alý jumystary jazdyń sońyna deıin aıaqtalady, – dedi depýtat Berik Beısenǵalıev.Al depýtat Erkin Ábil eger tur­ǵyndar ótemaqy alý nemese joǵalǵan múlikti baǵalaý másele­lerinde qıyndyqtar týyndasa, partııa «Quqyqtyq kómek» jobasy aıasynda tegin zańgerlik kómek kórsetetinin aıtty.

Bir kún buryn depýtattar Arqalyq qalasynda sý tasqy­nynan zardap shekken Arqalyq, Amangeldi, Jangeldın aýdan­darynyń turǵyn­dary úshin salynyp jatqan 50 páter­li úıdiń qurylys barysymen ta­nysty. Qyrkúıek aıynda úı paıda­lanýǵa beriledi. 50 páterdiń 20-sy Arqalyq turǵyndaryna, 16-sy Amangeldi, 14-i Jangeldın aýdandarynyń turǵyndaryna arnalmaq. Budan bólek, Arqalyqta 78 zardap shekken otbasy úshin da­ıyn páterler satyp alyndy.