ALMATY. 26 sáýir. Ortalyq saılaý komıssııasynyń múshesi Tatıana Ohlopkova respýblıkamyz boıynsha saılaýshylardyń 41,69 paıyzy daýys bergenin málim etti. Túske deıingi daýys berýdiń qorytyndysynda Almaty qalasy eń tómengi kórsetkishke (17,25 paıyz) ıe. Bul týraly egemen.kz habarlady.
Osyǵan oraı gazet tilshisi saılaý aldy naýqanynda sarapshylyǵymen kózge túsken belgi pýblısıst,
WEB-baspager Jánibek SÚLEEVTEN suhbat alǵan edi.
–Jánibek, túske deıingi kórsetkish boıynsha «Almatynyń eldiń eń sońynda qalýy» qala turǵyndary retinde siz ekeýmizge syn emes pe?
–(Kúledi.) Almaty turǵyndarynyń, onyń ishinde jastar qaýymy uıqyny jaqsy kóredi. Muny siz de bilýge tıistisiz. Jurt asyqpaı uıqysynan turyp, sodan soń baryp saılaý ýchkesine bet alady. Mundaı qubylysqa para-par qasıet Almaty turǵyndarynda burynnan sińisti bolǵan. Demek Almatynyń daýys berý paıyzy tús aýa molaıady...
–Qazaqstan Prezıdentine daýys berýdiń ótý barysy jaıynan tıisti málimetter alyp, habardar bolyp otyrǵan shyǵarsyz?
–Árıne... Kóńil aýdarytyn bir jaıt, saılaýǵa daıyndyq qandaı ekpinmen júrse, daýys berý de sondaı úrdiste ótip jatyr. Daıyndyq barysynda eshqandaı da «qara PR»-ǵa jol berilmedi. Munyń ózi, eń birinshiden, elektorat mádenıetiniń burynǵy kezeńmen salystyrǵanda edeýir óskenin baıqatady. Birqatar basylymdarda aıttym da, bul elektoraldyq naýqanǵa óz basym «5» degen baǵa qoıar edim.
–Baqylaýshylar belsendiligi qalaı?
–Tańerteńnen beri Almaly men Bostandyq aýdandaryndaǵy birneshe saılaý ýchaskelerine ózim úshin bas suqtym, baıqaǵanym bári de oılaǵandaı, daýys berý men kútkendeı dárejede ótip jatyr. Kelýshiler sany turaqty. Úzilis joq. Baqylaýshylar tarapynan da áldeqandaı eskertýler aıtylmady. Bir baıqaǵanym, baqylaýshylar Qazaqstandaǵy mundaı qalypty daýys berý tájirıbesinenbolashaqta úıreneri kóp bolatynyna kózim jetti.
–Bul saılaýdyń elimizde ótken buǵan deıingi saılaýlardan basty aıyrmashylyǵy nede dep oılaısyz?
–О́te jaqsy saýal... Bul saılaýdyń eń basty ereksheligi, tipti, artyqshylyǵy – munda qazir zamanǵy tehnologııalar molynan paıdalanyldy. Men muny bóle-jara aıtar edim. Kádege asqan ınternet qýatynda shek bolmady.
Talǵat Súıinbaı.
Derek, sýret: egemen.kz